قازاقستاندا ستالكينگ (قۋدالاۋ), نەكەگە ماجبۇرلەۋ جانە اۋە كەمەسىن باسقارۋعا كەدەرگى كەلتىرۋ ارەكەتتەرى ءۇشىن قىلمىستىق جاۋاپكەرشىلىك ەنگىزىلەدى. بۇل جانە وزگە دە نورمالار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قىلمىستىق زاڭنامانى وڭتايلاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدا قاراستىرىلعان, دەپ حابارلايدى Egemen.kz.
قر ادىلەت مينيسترلىگىنىڭ وكىلى دۋمان سۇلەيمەنوۆتىڭ ايتۋىنشا, زاڭ ازاماتتار مەن كاسىپكەرلەردىڭ قۇقىقتارىن قورعاۋدى كۇشەيتۋدى, قىلمىستىق پروتسەستەگى جارىسپالىلىقتى نىعايتۋدى جانە ارتىق بيۋروكراتيانى ازايتۋدى كوزدەيدى.
«زاڭ ازاماتتار مەن كاسىپكەرلەردىڭ قۇقىقتارىن قورعاۋدى كۇشەيتۋگە, قىلمىستىق پروتسەستەگى جارىسپالىلىقتى نىعايتۋعا, سونداي-اق قىلمىستىق پروتسەستى وڭتايلاندىرۋ مەن بيۋروكراتيانى ازايتۋعا باعىتتالعان», دەدى ول.
ەندى جەكە ومىرگە قول سۇعۋشىلىق, ءماجبۇرلى نەكە جانە قوعامدىق قاۋىپسىزدىككە قاتەر توندىرەتىن ارەكەتتەر زاڭمەن قاتاڭ جازالاناتىن بولادى.