ادام ومىرىندە ۇمىتىلماس ساتتەر بولادى. ايگىلى كومەديا اكتەرى چارلي چاپلين ءوزىنىڭ سۇحباتىندا وسىنداي ءبىر مەرەيلى مەزەتتى تەبىرەنىسپەن ەسكە العان ەدى.
«بالا كەزىمدە اكەممەن بىرگە تسيرككە باردىم. بيلەت الۋ ءۇشىن ۇزىن-سونار كەزەككە تۇردىق. ءبىر كەزدە ءبىزدىڭ الدىمىزدا التى بالاسىمەن تۇرعان ەرلى-زايىپتىنى كوزىمىز شالدى. بالاقايلار وتە ءماز. بىراق اكەسى بيلەت باعاسىن ەستىگەندە تۇنەرىپ كەتتى. ول كىسى ايەلىنىڭ قۇلاعىنا بىردەڭە دەپ سىبىرلادى. وسى ساتتە مەنىڭ اكەم قالتاسىنان جيىرما دوللار شىعارىپ, ادەيى جەرگە تاستادى دا: «مىرزام, اقشاڭىز ءتۇسىپ قالىپتى», دەدى. الگى كىسى اكەمە قاراپ, جەردەگى اقشانى الدى دا, كوزدەرى جاساۋراپ, داۋسى دىرىلدەپ «راحمەت!» دەدى. ءسويتتى دە, ولار تسيرككە قۋانا كىردى. ال اكەم مەنى قولىمنان جەتەكتەپ, كەزەكتەن شىعاردى. ويتكەنى ءبىزدىڭ دە سول كىسىگە بەرگەن جيىرما دوللاردان باسقا اقشامىز جوق ەدى. مەن اكەمدى ماقتان تۇتامىن. سەبەبى سول ءبىر كورىنىس ءبىز كورە الماعان تسيركتەن دە كەرەمەت اسەر قالدىردى».