بەلگىلى جۋرناليست نۇرسەيىت جىلقىشىباي حالىققا 80-90-جىلدارى داڭقى دۇركىرەپ تۇرعان ايسارا كەرىمبەكوۆانىڭ بۇگىنگى احۋالىن كورسەتتى, دەپ جازدى Egemen.kz.
ۆيدەودا سامبودان الەم چەمپيوناتىنىڭ ەكى دۇركىن (1988, 1992) كۇمىس جۇلدەگەرى, كسرو كۋبوگىنىڭ (1989) كۇمىس جۇلدەگەرى, كسرو حالىقتارى سپارتاكياداسىنىڭ قولا جۇلدەگەرى (1991), ازيا چەمپيونى (1992), ازيا چەمپيوناتىنىڭ ەكى دۇركىن قولا جۇلدەگەرى ايسارا كەرىمبەكوۆانىڭ 20 جىلدان استام ۋاقىت اۋلا سىپىرىپ جۇرگەنى ايتىلعان.
«بۇل — ماسقارا! بۇل — ۇلتتىق نامىسقا سىن! مينيسترلەر مىنبەردەن تۇسپەي جاتىر, ارداگەر سپورتشى اۋلادان شىقپاي ءجۇر. قايداسىڭ, سپورت جانە تۋريزم ءمينيسترى؟ ءتىرى اڭىزعا تىرىسىندە قۇرمەت كورسەتۋ — پارىز ەمەس پە؟ باتىردى باعالاماعان ەلدەن قانداي ۇرپاق شىعادى؟ ۇيات ەمەس پە, اعايىن؟.. (ايسارا كەرىمبەكوۆا – كەزىندە دۇنيە جۇزىنە تانىمال بولعان, قازىر تاسادا قالىپ قويعان سپورتشى. دزيۋدو مەن سامبودان الەمدىك دەڭگەيگە كوتەرىلگەن تۇڭعىش قازاق قىزى)», - دەپ جازدى جۋرناليست الەۋمەتتىك جەلىدەگى پاراقشاسىندا.