الماتىداعى حوستەل ورتىنە كىنالىلەرگە ۇكىم شىقتى

تەرگەۋ ورگانى ءا. مۇحامەدياروۆتى قر قك-ءنىڭ 292-بابى 3-بولىگى ءورت قاۋىپسىزدىگى تالاپتارىن ساقتاۋ ءۇشىن جاۋاپتى ادامنىڭ ولاردى بۇزۋى, ابايسىزدا ەكى نەمەسە ودان دا كوپ ادامنىڭ ولىمىنە اكەپ سوققانىنا بايلانىستى ايىپتادى.ا. پەكەلنيك قر قك-ءنىڭ 292-بابى 3-بولىگى بويىنشا سوتقا بەرىلدى, الايدا مەملەكەتتىك ايىپتاۋشى سوتتا باپتى قر قك-ءنىڭ 306-بابى 3-بولىگىنە, ياعني تۇتىنۋشىلاردىڭ ءومىرى نەمەسە دەنساۋلىعى قاۋىپسىزدىگىنە ساي كەلمەيتىن جۇمىستاردى ورىنداۋ نە قىزمەتتەر كورسەتۋ, ابايسىزدا ادامنىڭ ولىمىنە اكەپ سوققان فاكتىگە اۋىستىردى. 

سوت بارىسىندا ا. پەكەلنيك جەكە كاسىپكەر بولا تۇرىپ, وزىنە تيەسىلى مەنشىكتەگى ءورت قاۋىپسىزدىگىن قاداعالاماعانى بەلگىلى بولدى. 

ال ءورت دابىلى جۇيەسىن ەلەكتر جابدىقتارىمەن جۇمىس ىستەۋگە رۇقساتى مەن بىلىكتىلىگى جوق ادامدار ورناتقان. جۇمىستار جوبامەن سايكەس كەلمەگەن, ورناتۋدان كەيىن دابىل جۇيەسىنىڭ سىزباسى راسىمدەلمەگەن. بۇل ا. پەكەلنيكتىڭ ءوز مىندەتتەرىنە فورمالدى جانە جاۋاپسىز قاراعانىن كورسەتكەن.ساراپشىنىڭ مالىمەتى بويىنشا, دىبىس سيگنالىنىڭ دەڭگەيى كەمىندە 75 دب بولۋى ءتيىس, الايدا ءىس جۇزىندە ول 28,8–72,7 دب ارالىعىندا بولعان, ال تۇرعىن جانە جەرتولە بولمەلەرىندە – 28,8–58,2 دب دەڭگەيىندە عانا, بۇل ءورت كەزىندە جەدەل ەسكەرتۋگە مۇمكىندىك بەرمەگەن.

ايىپتالۋشى ءا. مۇحامەدياروۆ ءورت قاۋىپسىزدىگى تالاپتارى مەن زاڭنامادا كورسەتىلگەن تىيىمدارعا قاراماستان, جەرتولە قاباتىندا 48 ورىنعا ارنالعان 6 جاتىن بولمەدەن تۇراتىن ورىن جايلاستىرعان. سونىمەن قاتار ول ەۆاكۋاتسياعا ارنالعان جالعىز شىعۋ ەسىگىن ق ۇلىپتاپ قويعان. بۇل ادامداردىڭ شۇعىل شىعىپ كەتۋىنە كەدەرگى كەلتىرگەن. دالىزگە قويىلعان توسەك ورىندارى دا ادامداردىڭ عيماراتتى تەز بوساتۋىندا قيىندىق تۋعىزعان. 

سوت ولاردى جوعارىدا اتالعان ايىپتاۋلار نەگىزىندە كىنالى دەپ تانىپ,ء ا. مۇحامەدياروۆدى 5 جىلعا,  ا. پەكەلنيكتى 4 جىلعا باس بوستاندىعىنان ايىرۋ ۇكىمىن شىعاردى. 

ۇكىم زاڭدى كۇشىنە ەنگەن جوق.