«قازگيدرومەت» سينوپتيكتەرى 10-12 شىلدەگە ارنالعان اۋا رايى بولجامىن جاريالادى. استانا مەن الماتى قالالارىندا كۇن كۇركىرەپ, جاڭبىر جاۋىپ جانە بۇرشاق ءتۇسۋى مۇمكىن. كەي كۇندەرى جاۋىن-شاشىنسىز, بىراق جەل كۇشەيىپ قۇبىلىپ تۇرادى, دەپ حابارلايدى Egemen.kz.
ەلوردادا 10 شىلدە كۇنى بۇلتتى اۋا رايى ساقتالادى. كۇندىز جاڭبىر جاۋىپ, نايزاعاي ويناپ, بۇرشاق ءتۇسۋى مۇمكىن. سولتۇستىك-شىعىستان سوعاتىن جەلدىڭ ەكپىنى 9–14 م/س. اۋا تەمپەراتۋراسى تۇندە +12…+14°C, كۇندىز +25…+27°C دەيىن جىلىنادى.
ال, 11 شىلدەدە كۇن بۇلتتى بولادى. كۇندىز كەي جەرلەردە جاڭبىر جاۋىپ, نايزاعاي كۇتىلەدى. تۇندە +13…+15°C, كۇندىز +25…+27°C.
12 شىلدەدە جاۋىن-شاشىنسىز, بىراق بۇلتتى اۋا رايى ساقتالادى. تۇنگى تەمپەراتۋرا +14…+16°C, كۇندىز +22…+24°C.
الماتى قالاسىندا 10 شىلدەدە بۇلتتى اۋا رايى ساقتالادى. تاڭەرتەڭ جانە كۇندىز جاڭبىر جاۋادى, كەي جەرلەردە نوسەرلى بولادى. نايزاعاي كۇتىلەدى. تۇندە +18…+20°C, كۇندىز +27…+29°C.
11 شىلدە – اۋا رايى قۇبىلمالى. قىسقا مەرزىمدى جاڭبىر مەن نايزاعاي بولۋى ىقتيمال. تۇنگى تەمپەراتۋرا +16…+18°C, كۇندىز +26…+28°C.
12 شىلدە – جاۋىن-شاشىنسىز, بىراق اسپان بۇلتتى. سولتۇستىك-شىعىستان سوعاتىن جەل 3–8 م/س. تۇندە +16…+18°C, كۇندىز +28…+30°C.
جالپى سينوپتيكتەردىڭ بولجامىنا سايكەس, 2025 جىلعى شىلدە ايىندا ەلىمىزدە اۋا رايى تۇراقسىز بولادى. ەلدىڭ كوپ بولىگىندە نايزاعايلى, بۇرشاقتى جانە ەكپىندى جەلمەن قاتار جۇرەتىن جاڭبىر جاۋادى. وڭتۇستىك وڭىرلەردە قاتتى جانە وتە قاتتى ىستىق كۇتىلەدى. كەيبىر ايماقتاردا شاڭدى داۋىل تۇرۋى مۇمكىن. بۇل وڭىرلەردە ءورت قاۋپى جوعارى دەڭگەيدە ساقتالادى.