كانادالىق ينۆەستورلار

قازاقستاندا اۋرۋحانالار مەن ەمحانالار سالۋعا دايىن

«InterHealth Canada» كومپانياسى ەلىمىزدىڭ وڭتۇستىگىندە ەمحانالار مەن اۋرۋحانالار سالۋعا دايىن. بۇل تۋرالى رەسپۋبليكالىق دەنساۋلىق ساقتاۋدى دامىتۋ ورتا­لىعىنىڭ (ردسدو) وكىلدە­رىمەن كەزدەسۋدە كانادالىق كومپانيانىڭ باسقارما مۇشەسى ەماد ءال-سۋكەر مالىمدەدى. كانادالىقتاردىڭ ەسەبىنشە, وڭتۇستىك قازاقستاندا مەدي­تسي­­­نا­لىق قىزمەتتەرگە سۇرانىس جوعارى بولىپ وتىر جانە ول ارتا تۇسەدى. ەمدەۋ مەكەمەسىنىڭ قۇرى­لىسىن مەملەكەت-جەكەمەنشىك سەرىكتەستىگى شەڭبەرىندە سالۋ جوسپارلانعان. قۇرىلىستىڭ باستالۋ مەرزىمى مەن ينۆەستيتسيا كولەمى ازىرگە جاريالانعان جوق. تاراپتار سونداي-اق, كەيبىر اۋرۋحانالاردى سەنىمدى باسقارۋعا بەرۋ مۇمكىندىگىن قاراستىردى. «نىساندى سەنىمدى باسقارۋعا بە­رەردەن بۇرىن جەرگىلىكتى اتقا­رۋ­شى ورگاندار وكىلدەرىمەن ءبىر­لە­سىپ, اۋرۋحانالار مەن ەمحانا­لاردىڭ قانداي جاعدايدا ەكەنىن زەرتتەيمىز. شامامەن ءبىر جىل ءىشىن­دە نى­سان­داردى ينۆەستورلارعا بەرۋ ءما­سە­لەسى شەشىلۋى ءتيىس», دەدى ردسدو ينۆەس­تيتسيالىق جوبالار ورتالى­­عىنىڭ جەتەكشىسى ولجاس ساكەنوۆ. اۋرۋحانالاردى باسقارۋدى جەكە­مەنشىك ينۆەستورلارعا بەرگەن جاعدايدا تەگىن قىزمەتتەر كور­سەتۋ كولەمى تولىق ساقتالادى. كانا­دالىقتار مەديتسينالىق ۇيىمداردىڭ جۇمىس ناتيجەسىن جاقسارتقان جاع­دايدا عانا ­قا­­زاق­ستاندىق كليني­كالاردى باس­قا­را الادى. شەتەل­دىك مەنەدجەر­لەر بىلىمدەرىمەن, تاجىريبەلە­رى­مەن ءبولىسىپ, مەدي­تسينالىق قىزمەتتەردىڭ ساپاسىن ارتتىرۋدى جوسپارلاپ وتىر, دەپ حابارلادى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ءباسپاسوز قىزمەتى.