كەشە رەسەي فەدەراتسياسىنىڭ ەكاتەرينبۋرگ قالاسىندا «يننوپروم» XV حالىقارالىق ونەركاسىپتىك كورمەسى ءوز جۇمىسىن باستادى. اتالعان ءىس-شاراعا قاتىسقان قازاقستاندىق دەلەگاتسيانى قر پرەمەر-ءمينيسترىنىڭ ءبىرىنشى ورىنباسارى رومان سكليار باستاپ باردى, دەپ حابارلايدى Egemen.kz.
بيىلعى كورمەگە 17 ەلدىڭ رەسمي وكىلدەرى مەن بيزنەس قاۋىمداستىقتارىنىڭ وكىلدەرى قاتىستى. ىسكەرلىك باعدارلاما اياسىندا 11 مىڭنان استام ۇيىم مەن كومپانيا قاتىساتىن 100-دەن استام ءىس-شارانى وتكىزۋ جوسپارلانعان.
پانەلدىك سەسسيالار باستالار الدىندا دەلەگاتسيا باسشىلارى قازاقستان رەسپۋبليكاسىنىڭ, بەلارۋس رەسپۋبليكاسىنىڭ ۇلتتىق ەكسپوزيتسيالارىن, سونداي-اق كورمەنىڭ سەرىكتەس ەلى – ساۋد ارابياسىنىڭ ستەندىن ارالاعان.
قازاقستاننىڭ ۇلتتىق ەكسپوزيتسياسىندا مەتاللۋرگيا, ماشينا جاساۋ, اۋىر ونەركاسىپ جانە حالىق تۇتىناتىن تاۋارلار ءوندىرىسى سالالارىن قامتيتىن 12 جەتەكشى كاسىپورىننىڭ ونىمدەرى مەن جوبالارى ۇسىنىلعان.
كورمە اياسىندا وتكەن ستراتەگيالىق سەسسيانىڭ باستى تاقىرىبى – «تەحنولوگيالىق كوشباسشىلىق: يندۋستريالىق سەرپىلىس» بولدى.
سونىمەن قاتار سەسسيا بارىسىندا رومان سكليار قازاقستاننىڭ وڭدەۋ ونەركاسىبىندەگى نەگىزگى جەتىستىكتەرىنە توقتالىپ, سالانىڭ بولاشاق دامۋ پەرسپەكتيۆالارىن تانىستىرعان. سونداي-اق باسقا ەلدەرمەن وندىرىستىك كووپەراتسيانى دامىتۋ, بىرلەسكەن جوبالاردى جۇزەگە اسىرۋ, ينۆەستيتسيا تارتۋ سىندى ماڭىزدى ماسەلەلەردى كوتەردى.