الەۋمەتتىك جەلىلەردە تاراعان ۆيدەودا ەر ادامنىڭ اۆتوبۋستا زەينەتكەرگە بىرنەشە رەت قول كوتەرىپ, سوققى جاساعان ءساتى بەينەلەنگەن. بۇل دەرەككە قاتىستى پوليتسيا تەكسەرىس جۇرگىزىپ جاتىر, دەپ حابارلايدى Egemen.kz.
وقيعاعا قاتىستى تۇسىنىكتەمە بەرگەن الماتى قالالىق پوليتسيا دەپارتامەنتى بەينەماتەريالدى مۇقيات زەرتتەگەنىن جانە كۇدىكتىنىڭ تۇلعاسى انىقتالىپ, ۇستالعانىن حابارلادى.
«اتالعان فاكتى بويىنشا اۋەزوۆ اۋداندىق پوليتسيا باسقارماسى تەكسەرىس جۇرگىزىپ جاتىر. قازىرگى ۋاقىتتا وقيعانىڭ ءمان-جايى مەن جابىرلەنۋشىنىڭ قايدا ەكەنى انىقتالىپ جاتىر. تەكسەرۋ ناتيجەسىنە سايكەس زاڭ اياسىندا قۇقىقتىق باعا بەرىلەتىن بولادى», دەلىنگەن حابارلامادا.
كۋاگەرلەردىڭ ايتۋىنشا, جانجال اۆتوبۋستا باستالىپ, ايالدامادان تۇسكەننەن كەيىن دە جالعاسقان. الەۋمەتتىك جەلىدەگى كەي دەرەكتەردە زەينەتكەر جاس قىزعا تيىسپەك بولعان دەگەن بولجام ايتىلعان. الايدا بۇل نۇسقا رەسمي تۇردە راستالمادى.