الماتى قالاسىنىڭ تۇرعىندارى قاليبەك پەن باقتىگۇل 45 جىلدان بەرى بىرگە قول ۇستاسىپ, ەل قاتارلى ەڭبەك ەتىپ, بالا ءوسىرىپ, نەمەرە ءسۇيىپ وتىرعان جاندار ەدى. تاعدىرى دا, جۇرەك ءلۇپىلى دە قاتار سوعىپ تۇرعانداي جولداسى اۋىر ينفاركتپەن اۋرۋحاناعا تۇسكەندە, باقتىگۇلدىڭ جۇرەگى دە سىر بەرىپ, بىرنەشە كۇننەن كەيىن ول دا اۋرۋحانادان ءبىر-اق شىعادى, دەپ جازادى Egemen.kz.
وسىلايشۆ №4 قالالىق كلينيكالىق اۋرۋحاناعا ەرلى-زايىپتى جۇپ جەدەل تۇردە, ءبىرىنىڭ ارتىنان ءبىرى ءتۇستى. ەكەۋىنە دە ء«جىتى ميوكارد ينفاركتى» دياگنوزى قويىلدى. الدىمەن 67 جاستاعى قاليبەك اپۋوۆ ماۋسىمنىڭ 20-سىندا وتە اۋىر جاعدايدا جەتكىزىلەدى. جۇرەك تۇسى قاتتى اۋىرىپ,, ەنتىگۋ مەن جالپى السىزدىك سياقتى بەلگىلەر بىلىنەدى. وسىدان كەيىن ءۇش كۇننەن سوڭ, جولداسىنىڭ ءومىرى ءۇشىن قاتتى ۋايىمداپ, كۇيزەلىسكە تۇسكەن 66 جاستاعى جۇبايى باقتىگۇل كەنجاحمەتوۆا دا ءدال سول اۋرۋحاناعا جاتقىزىلادى.
- ميوكارد ينفاركتى - ءار سەكۋند ماڭىزدى شۇعىل جاعداي. ناۋقاس نەعۇرلىم ەرتە بىلىكتى مەديتسينالىق كومەك السا, جۇرەك بۇلشىقەتىن ساقتاپ قالۋ مەن اسقىنۋدىڭ الدىن الۋ مۇمكىندىگى سوعۇرلىم جوعارى بولماق. «التىن ۋاقىت» - العاشقى بىرنەشە ساعات. ءبىزدىڭ پاتسيەنتتەرىمىزدىڭ جاعدايىندا ەم ۋاقتىلى باستالىپ, بۇل - وڭ ناتيجەگە باستادى, - دەيدى №4 اۋرۋحانانىڭ كارديورەانيماتسيا بولىمشەسىنىڭ رەانيماتولوگ دارىگەرى سامات تاسبولات.
ەكى ناۋقاسقا دا شۇعىل تۇردە دياگنوستيكالىق كوروناروگرافيا مەن ستەنتتەۋ جاسالدى. بۇل زاقىمدانعان ارتەريالارداعى قان اينالىمىن قالپىنا كەلتىرىپ, ينفاركتىڭ قاۋىپتى سالدارىن بولدىرماۋعا مۇمكىندىك بەردى.
- جولداسىمنىڭ جاعدايى وتە اۋىر بولدى, قاتتى قورىقتىم. كۇندىز-ءتۇنى ۋايىمداپ ءجۇرىپ, ءوزىم دە اۋىرىپ قالدىم. ەكەۋمىز دە جۇرەك تامىرلارىنا وتا جاساتتىق, قازىر ءوزىمىزدى الدەقايدا جاقسى سەزىنىپ وتىرمىز. بۇگىن بىرگە ۇيگە شىعامىز. ەشكىمدى اۋرۋحانادا جالعىز قالدىرمايدى ەكەن. دارىگەرلەرگە ءبىزدى قۇتقارىپ قالعانى ءۇشىن, قامقورلىعى مەن ىقىلاسى ءۇشىن شىن جۇرەكتەن العىس ايتامىز, - دەپ العىسىن ءبىلدىردى باقتىگۇل كەنجاحمەتوۆا.
ميوكارد ينفاركتى - جۇرەككە قان جەتكىزىپ تۇرعان ارتەريانىڭ كەنەتتەن بىتەلۋىنەن بولادى. بۇل كوبىنە اتەروسكلەروزدىق تۇيىنشەك پەن ترومبتىڭ تۇزىلۋىنە بايلانىستى. ۋاقتىلى مەديتسينالىق كومەكسىز جۇرەك بۇلشىقەتىنىڭ قايتىمسىز زاقىمدانۋى نەمەسە ءولىم ورىن الۋى مۇمكىن.
الماتىلىق ەرلى-زايىپتىلارلىڭ باسىنان وتكەن جاعداي - كاسىبي شۇعىل كومەك پەن ادامي جاناشىرلىقتىڭ قانشالىقتى ماڭىزدى ەكەنىن كورسەتەتىن تاماشا مىسال. سونىمەن №4 قالالىق كلينيكالىق اۋرۋحانانىڭ ايتۋلى ماماندارى تەك ەكى جۇرەكتى عانا ەمەس, تولىق ءبىر وتباسىن امان الىپ قالدى.