بالقاشقا باعىت العان جەڭىل كولىك جوندەۋ جۇمىستارى ءجۇرىپ جاتقان جول ۋچاسكەسىنە شىعىپ كەتكەن, دەپ حابارلايدى Egemen.kz.
5 شىلدە كۇنى Kia Sedona كولىگىنىڭ جۇرگىزۋشىسى الدىن الا مالىمەت بويىنشا, جول بەلگىلەرىنە نازار اۋدارماي, قارسى باعىتتاعى كولىكتى باسىپ وزۋعا تىرىسقان. سونىڭ سالدارىنان جوندەۋ جۇمىستارى جۇرگىزىلىپ جاتقان جول بولىگىنە شىعىپ, ودان كەيىن جول جيەگىندەگى قورشاۋعا سوعىلعان. وسىدان كەيىن كولىك ورتەنىپ كەتكەن.
الدىن الا مالىمەت بويىنشا, جول اپاتى سالدارىنان كولىكتەگى جەتى جولاۋشى وقيعا ورنىندا كوز جۇمدى. جۇرگىزۋشى مەن تاعى ءبىر جولاۋشى مەديتسينالىق مەكەمەگە جەتكىزىلدى.
وبلىستىق پوليتسيا دەپارتامەنتى اتالعان فاكتى بويىنشا قىلمىستىق ءىس قوزعالعانىن حابارلادى. قازىرگى ۋاقىتتا بارلىق قاجەتتى ساراپتامالار تاعايىندالىپ, بولعان وقيعانىڭ ءمان-جايىن انىقتاۋعا باعىتتالعان تەرگەۋ امالدارى جۇرگىزىلىپ جاتىر.