الاكولگە جەتۋ جەڭىلدەدى

سولاردىڭ ءبىرى – ءۇشارال اۋەجايى مەن اقشي اۋىلى اراسىندا قاتىنايتىن وبلىس اكىمدىگى سۋبسيديالاعان اۆتوبۋس مارشرۋتى. بۇل باستاما – تۋريستەردىڭ كوپتەن كۇتكەن تىلەگىنىڭ ءبىرى بولاتىن.

سوڭعى جىلدارى ءۇشارال قالاسىنا قاتىنايتىن اۋە رەيستەرىنىڭ سانى ەداۋىر ارتتى. قازىر الماتى مەن استانادان كۇندەلىكتى ء«الماتى–ۇشارال» جانە ء«استانا–ۇشارال» باعىتتارىندا سۋبسيديالانعان رەيستەر ۇشادى. بيلەت قۇنى – نەبارى 20 000 تەڭگە. ال جاڭعىرتۋدان وتكەن ءۇشارال اۋەجايى ءىرى ۇشاقتاردى قابىلداۋعا قاۋقارلى. اۋەجاي ديرەكتورى ايدىن بايبازاروۆتىڭ ايتۋىنشا, بۇل تۋريستىك ماۋسىمدا جولاۋشىلار اعىنى ارتا تۇسپەك.

تەمىرجول كولىگىمەن جەتۋدى قالايتىندار ءۇشىن دە مۇمكىندىك مول. بيىل الاكول باعىتىنا 13 پويىز قاتىنايدى. ولاردىڭ قاتارىندا استانا مەن الماتىدان شىعاتىن جۇردەك «تالگو» دا بار. سونىمەن قاتار, وسكەمەن, پاۆلودار, قىزىلوردا, سەمەي جانە اقتوعاي قالالارىنان قاتىنايتىن باعىتتار قوسىلدى.

اۆتوبۋس قاتىناسى دا جولعا قويىلعان. الماتىنىڭ «سايران» جانە تالدىقورعان اۆتوبەكەتتەرىنەن اقشي مەن كوكتۇما اۋىلدارىنا تۇراقتى اۆتوبۋستار جۇرەدى. بيلەت باعاسى – 5 000-9 000 تەڭگە ارالىعىندا.

الاكول اۋدانىنىڭ اكىمى الماس ءابدينوۆتىڭ ايتۋىنشا, ءۇشارال اۋەجايىنان اقشي اۋىلىنا قاتىنايتىن جاڭا اۆتوبۋس باعىتى جۋىردا ىسكە قوسىلادى. قازىرگى تاڭدا بارلىق كونكۋرس راسىمدەرى اياقتالعان.

ايتا كەتەيىك, بۇعان دەيىن «تالدىقورعان–ۇشارال», «ۇشارال–دوستىق» باعىتتارىنداعى اۆتوجولدار جاڭارتىلىپ, قولدانىسقا بەرىلگەن بولاتىن. بۇل ءوڭىر ءتۋريزمىن دامىتۋعا ۇلكەن سەرپىن بەرىپ وتىر.