2025 جىلعى 5 شىلدەدە قازاقستان رەسپۋبليكاسى دەسانتتىق-شابۋىلداۋ اسكەرلەرىنىڭ 25 جىلدىعىنا وراي 35-دەسانتتىق-شابۋىلداۋ بريگاداسىنىڭ بازاسىندا سالتاناتتى شارا ۇيىمداستىرىلادى, دەپ حابارلايدى Egemen.kz قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ.
ءىس-شاراعا قۇرمەتتى قوناقتار, ارداگەرلەر, اسكەري قىزمەتشىلەر جانە جاستار قاتىسادى.
باعدارلامادا:
سالتاناتتى ميتينگ;
جاۋىنگەرلىك شەبەرلىكتەردى كورسەتۋ;
35-دەسانتتىق-شابۋىلداۋ بريگاداسى اسكەري قىزمەتشىلەرىنىڭ پلاتسقا پاراشيۋتپەن قونۋى;
اسكەري جانە شىعارماشىلىق ۇجىمداردىڭ كونتسەرتى.
ءىس-شاراعا سىناقشى-ۇشقىش, عارىشكەر, حالىق قاھارمانى گەنەرال-لەيتەنانت - تالعات مۇساباەۆ, «گەنەرالدار كەڭەسى» رقب توراعاسىنىڭ كەڭەسشىسى - بەيبىت باياندين, حالىق قاھارمانى پودپولكوۆنيك - ازامات ءجۇمادىلوۆ, قازاقستان رەسپۋبليكاسىنىڭ ەڭبەك سىڭىرگەن مادەنيەت قايراتكەرى – الۋا بايقاداموۆا, ءپاراشيۋتشى-سپورتشى, قازاقستاننىڭ جانە حالىقارالىق جارىستاردىڭ بىرنەشە دۇركىن چەمپيونى - يرينا فيلينا شاقىرىلدى.
سونىمەن قاتار, قورعانىس مينيسترلىگى باسشىلىعى جانە قارۋلى كۇشتەر ارداگەرلەرى قاتىسادى.
ايتا كەتەيىك, ءىس-شارا 5 شىلدە كۇنى ساعات 09:00-دە 32363 اسكەري بولىمشەسىندە وتەدى.