پرەمەر-مينيستر ولجاس بەكتەنوۆ قىتايلىق «حۋنان تسزيۋنسين حۋانباو» كومپانياسىنىڭ ديرەكتورلار كەڭەسىنىڭ توراعاسى داي داوگومەن كەزدەسۋ وتكىزدى. وندا «جاسىل» ەنەرگەتيكا جانە قالدىقتارمەن جۇمىس ىستەۋ سالاسىنداعى ىنتىماقتاستىق پەرسپەكتيۆالارى تالقىلاندى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
«حۋنان تسزيۋنسين حۋانباو» – قىتايدىڭ جاسىل تەحنولوگيالار سالاسىنداعى كوشباسشىلارىنىڭ ءبىرى. كەزدەسۋ بارىسىندا قالدىقتاردى قايتا وڭدەۋ بويىنشا بىرلەسكەن ينۆەستيتسيالىق جوبالاردى جۇزەگە اسىرۋ پەرسپەكتيۆالارى قارالدى.
پرەمەر-مينيستر مەملەكەت باسشىسى قاسىم-جومارت توقاەۆتىڭ ەكولوگيالىق جاڭعىرتۋ مەن ورنىقتى دامۋدىڭ ماڭىزدىلىعىنا باسا نازار اۋدارىپ وتىرعانىن اتاپ ءوتتى. قازاقستان «جاسىل» ترانسفورماتسيانى مەملەكەتتىك ساياساتتىڭ نەگىزگى باسىمدىقتارىنىڭ ءبىرى رەتىندە قاراستىرادى. بۇگىنگى تاڭدا ەلىمىزدە Waste to Energy تەتىگى بويىنشا جوبالاردى جۇزەگە اسىرۋ ءۇشىن قاجەتتى قۇقىقتىق بازا بار. ۇكىمەت وسى سالاداعى حالىقارالىق تەحنولوگيالىق كومپانيالارمەن ىنتىماقتاستىققا اشىق.
كەزدەسۋ قورىتىندىسى بويىنشا تاراپتار ودان ءارى ءوزارا ءىس-قيمىلعا مۇددەلىلىگىن جەتكىزدى جانە سەرىكتەستىك قاتىناستاردى كەڭەيتۋ الەۋەتىن اتاپ ءوتتى.