قارجى مونيتورينگى اگەنتتىگىنىڭ (قما) باتىس قازاقستان وبلىسى بويىنشا دەپارتامەنتى پروكۋراتۋرانىڭ ۇيلەستىرۋىمەن ورال قالاسىندا ليتسەنزياسىز ميكروقارجىلىق قىزمەت كورسەتكەن تۇلعالار توبىنا قاتىستى تەرگەۋ جۇرگىزىپ جاتىر, دەپ حابارلايدى Egemen.kz.
كۇدىكتىلەر سوڭعى بەس جىل ىشىندە «جىلدام اقشا» دەگەن اتاۋمەن كەڭىنەن تارالعان فيليالدار جەلىسى ارقىلى ازاماتتارمەن 1,5 ملرد تەڭگەدەن اساتىن سوماعا ميكروقارجى كەلىسىمشارتتارىن جاساسقان. نەسيە شارتتارىندا پايىزدىق مولشەرلەمە اشىق كورسەتىلمەي, ول بولەك كەلىسىم ارقىلى «كەڭەس بەرۋ قىزمەتى» تۇرىندە راسىمدەلىپ وتىرعان. بۇل قىزمەتتەر كۇدىكتىلەردىڭ تۋىستارىنا تىركەلگەن, وزدەرىمەن بايلانىسى بار جشس ارقىلى كورسەتىلگەن.
«قارىز الۋشىلار كۇنسايىن 1,5% تولەۋگە ءماجبۇر بولعان, بۇل زاڭمەن بەلگىلەنگەن شەكتى مولشەرلەمەدەن 0,3% ياعني بەس ەسەگە ارتىق. اتالعان زاڭسىز ميكروقارجى ۇيىمى ارقىلى 47 مىڭنان استام قارىز جوعارى پايىزبەن بەرىلگەن», دەلىنگەن حابارلامادا.
الدىن الا ەسەپ بويىنشا, زاڭسىز تابىستىڭ جالپى كولەمى 917 ملن تەڭگەنى قۇراعان. تەرگەۋ اياسىندا سوتتىڭ سانكتسياسىمەن كۇدىكتىلەردىڭ وندىرىستىك جانە كوممەرتسيالىق نىساندارى مەن ءبىر پاتەرىنە تىيىم سالىنعان.
تەرگەۋ جالعاسىپ جاتىر.