ۇلىتاۋ وبلىسى, ساتباەۆ قالاسىندا جىلىتۋ ماۋسىمىنا دايىندىق جۇمىستارى قارقىندى ءجۇرىپ جاتىر. بيىل 50 جىلدان بەرى اۋىسپاعان ماگيسترالدىق جىلۋ جەلىلەرى تولىق كۇردەلى جوندەۋدەن وتۋدە, دەپ حابارلايدى Egemen.kz.
قالادا ءۇش بىردەي مەردىگەر مەكەمە جۇمىس جاساپ جاتىر. «سارىاعاش امان» جشس – №1 ماگيسترال بويىنشا 8 شاقىرىم جەلىنى اۋىستىرۋدا. بۇگىندە 375 م قۇبىر دەمونتاجدالىپ, 100 م لوتوك ورناتىلىپ, دانەكەرلەۋ جۇمىستارى ءجۇرىپ جاتىر.
«استاناينجكومستروي»جشس – №2 ماگيسترال بويىنشا 650 م قۇبىردى مونتاجدادى.
«جانەم» جشس – قۇرمانعازى, امانجولوۆ, بايسەيىتوۆ كوشەلەرىندەگى كارىز جەلىلەرىن قايتا جاڭعىرتۋدى قولعا العان. قازىرگى تاڭدا 650 م جەلى اۋىستىرىلىپ, بارلىق قاجەتتى ماتەريالدار جەتكىزىلگەن.
قازاندىقتاردا ەمۋلگاتورلار ورناتىلىپ جاتىر.
سونىمەن قاتار, «مولودەجنىي» كومىرىن «كۋ-چەك» كەسىندىسىنىڭ كومىرىنە اۋىستىرۋ ماسەلەسى دە كۇن تارتىبىندە تۇر.
جۇمىستاردىڭ ساپاسىن باقىلاۋدا ۇستاۋ ماقساتتا اپتا سايىن مەردىگەر ۇيىمدارمەن ارنايى شتاب وتىرىستارى وتكىزىلەدى.
ۇلىتاۋ وبلىسى