2025 جىلعى 1 ماۋسىمداعى جاعدايعا سايكەس ەلىمىزدەگى حالىق سانى 20 370 672 ادامعا جەتتى. بۇل تۋرالى ۇلتتىق ستاتيستيكا بيۋروسى ءمالىم ەتتى. جىل باسىنان بەرگى ءوسىم 87,2 مىڭ ادامدى قۇراپ وتىر. ونىڭ ىشىندە نەگىزگى ۇلەس – 80 مىڭ ادام تابيعي ءوسىمنىڭ (تۋ مەن ءولىمنىڭ اراقاتىناسى) ەسەبىنەن بولسا, قالعان 7,2 مىڭ ادام كوشى-قون اياسىندا تىركەلگەن, دەپ جازادى Egemen.kz.
بيۋرو دەرەكتەرىنە سۇيەنسەك, ەلىمىزدىڭ 7 وڭىرىندە حالىق سانى 1 ميلليوننان اسىپ كەتكەن. ءتىزىمنىڭ كوشىن الماتى قالاسى باستاپ تۇر – مەگاپوليستە 2,3 ميلليوننان استام ادام ءومىر ءسۇرىپ جاتىر.
حالىق ەڭ كوپ شوعىرلانعان وڭىرلەر:
الماتى قالاسى – 2 314 929 ادام
تۇركىستان وبلىسى – 2 150 992 ادام
الماتى وبلىسى – 1 575 657 ادام
استانا قالاسى – 1 566 566 ادام
شىمكەنت قالاسى – 1 274 296 ادام
جامبىل وبلىسى – 1 220 481 ادام
قاراعاندى وبلىسى – 1 133 068 ادام
بۇل تىزىمنەن ەلىمىزدەگى ءىرى ۋربانيزاتسيالانعان قالالار مەن وڭتۇستىك ايماقتاردىڭ دەموگرافيالىق سالماعى ايقىن اڭعارىلادى. الماتى, استانا, شىمكەنت سەكىلدى ءۇش ءىرى قالا جەكە دارا ميلليون تۇرعىنى بار شاھارلار بولسا, تۇركىستان مەن الماتى وبلىستارى دا حالىق سانى جاعىنان الدىڭعى قاتاردا.
مامانداردىڭ ايتۋىنشا, حالىق سانىنىڭ وسىنداي سەرپىندى ءوسۋى ەڭبەك رەسۋرستارىنىڭ ارتۋىنا, ىشكى نارىقتىڭ كەڭەيۋىنە, سونداي-اق الەۋمەتتىك جانە ينفراقۇرىلىمدىق جوبالاردىڭ ماڭىزدىلىعىن ارتتىرۋعا سەپ بولادى.