1 تامىزدا ەلىمىزدە ۇلتتىق اۋىل شارۋاشىلىعى ساناعى باستالادى. اۋقىمدى ستاتيستيكالىق شارا بارلىق ءوڭىردى قامتىپ, وزەكتى دەرەكتەردىڭ ماڭىزدى كوزىنە اينالادى, دەپ جازادى Egemen.kz.
ۇلتتىق ستاتيستيكا بيۋروسىنىڭ مالىمەتىنشە ساناق ەكى كەزەڭ بويىنشا وتەدى: باستاپقى ءبىرىنشى ونلاين كەزەڭ – 1-31 تامىز ارالىعىندا: وسىمدىك جانە مال شارۋاشىلىعىمەن, بالىق وسىرۋمەن اينالىساتىن زاڭدى تۇلعالار, جەكە كاسىپكەرلەر, شارۋا جانە فەرمەر قوجالىقتارى, سونداي-اق ءۇي شارۋاشىلىقتارى قاتىسۋى ءتيىس. ساۋالناما sanaq.gov.kz سايتىندا وتەدى. ودان كەيىنگى ەكىنشى وفلاين-كەزەڭ – 20 قىركۇيەك-20 قازان ارالىعىندا: ينتەرۆيۋەرلەر ونلاين-ساۋالنامادان ءوتىپ ۇلگەرمەگەن, باۋ-باقشاسى بار نەمەسە مال ۇستايتىن ۇيلەردى ارالايدى.
ء«بىز بارلىق اۋىل شارۋاشىلىعى تاۋارىن وندىرۋشىلەرگە, فەرمەرلەرگە جانە اۋىل تۇرعىندارىنا ۇندەۋ جولدايمىز. اۋىل شارۋاشىلىعى ساناعىنا قاتىسۋ – جاي عانا ءراسىم ەمەس, بۇل ەلىمىزدىڭ اگرارلىق سالاسىنىڭ ەرتەڭىنە قوسقان ۇلەس. تەك تولىق ءارى ناقتى دەرەكتەر عانا مەملەكەتتىك قولداۋدى دۇرىس باعىتتاپ, اۋىلدىڭ ينفراقۇرىلىمىن دامىتۋعا جانە اۋىل شارۋاشىلىعى مەن ازىق-ت ۇلىك ساياساتىن ءتيىمدى جۇرگىزۋگە مۇمكىندىك بەرەدى» دەپ اتاپ ءوتتى ۇلتتىق ستاتيستيكا بيۋروسىنىڭ باسشىسى ماقسات تۇرلىباەۆ.
ساناقتا 2 ملن جۋىق ءۇي شارۋاشىلىعىن جانە 300 مىڭنان استام اۋىل شارۋاشىلىعى تاۋارىن وندىرۋشىلەردى قامتۋ جوسپارلانعان. بۇكىل ەل بويىنشا ساۋالناما جۇرگىزۋ ءۇشىن 3500-دەن استام ينتەرۆيۋەر تارتىلادى. ازاماتتارعا ىڭعايلى بولۋ ءۇشىن اۋىلدىق اكىمدىكتەر مەن اۋداندىق ستاتيستيكا بولىمدەرىندە ينتەرنەتكە قوسىلعان وزىنە-ءوزى قىزمەت كورسەتۋ ايماقتارى بولادى. سونداي-اق ازاماتتار 1446 بايلانىس ورتالىعىنا حابارلاسىپ كەڭەس الا الادى.