مەملەكەت باسشىسى شانحاي ىنتىماقتاستىق ۇيىمىنىڭ باس حاتشىسى نۇرلان ەرمەكباەۆتى قابىلدادى. كەزدەسۋدە شىۇ اياسىنداعى ىقپالداستىقتى ودان ءارى دامىتۋ پەرسپەكتيۆاسى تالقىلاندى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
قاسىم-جومارت توقاەۆتىڭ ايتۋىنشا, قازاقستان شىۇ-نىڭ ءتيىمدى ءارى تەڭگەرىمدى حالىقارالىق ۇيىم رەتىندەگى ءرولىن نىعايتۋعا باسا ءمان بەرەدى. بۇل قازىرگى الەمدىك ساياساتتاعى سىن-قاتەرلەرگە جەدەل ءۇن قاتۋعا ىقپال ەتەدى.
پرەزيدەنت قىتايدىڭ شىۇ-عا توراعالىعىن جوعارى باعالاپ, ۇيىم تەتىكتەرىن جەتىلدىرۋگە قولداۋ كورسەتەتىنىن ايتتى.
بۇدان بولەك, قازاقستاننىڭ ۇيىم اياسىندا ۇسىنعان باستى باستامالارىن ىسكە اسىرۋ جولدارى قارالدى.