28 ماۋسىم بۇقارالىق اقپارات قۇرالدارى وكىلدەرىنىڭ كاسىبي مەرەكەسىنە وراي جامبىل وبلىسىنىڭ اكىمى ەربول قاراشوكەەۆ جەرگىلىكتى جۋرناليستەرگە قۇرمەت كورسەتتى, دەپ حابارلايدى Egemen.kz.
– جۋرناليستيكا – تەك حالىققا اقپارات جەتكىزۋدىڭ قۇرالى عانا ەمەس, سونىمەن قاتار اسقان جاۋاپكەرشىلىك پەن شەبەرلىكتى, تەرەڭ مادەنيەتتىلىك پەن بىلىمدىلىكتى قاجەت ەتەتىن مارتەبەلى ماماندىق. مەملەكەت باسشىسى بۇقارالىق اقپارات قۇرالدارى وكىلدەرىنە ۇنەمى قولداۋ ءبىلدىرىپ, زور سەنىم ارتىپ كەلەدى.
پرەزيدەنت: «ەلىمىزدىڭ بۇقارالىق اقپارات قۇرالدارى قوعام ساناسىن جاڭعىرتىپ, ۇلت تۇتاستىعىن نىعايتۋ جولىندا ايرىقشا ءرول اتقارادى», – دەپ سالا ماماندارىنىڭ قوعامداعى ورنىن ناقتى اتاپ وتكەن بولاتىن.
شىن مانىندە, سىزدەر ەلىمىزدىڭ رۋحاني دامۋىنا, ادامگەرشىلىك قۇندىلىقتاردى ساقتاۋعا ايرىقشا ۇلەس قوسىپ كەلەسىزدەر. وسى ەسەلى ەڭبەكتەرىڭىز ءۇشىن شىنايى العىسىمدى بىلدىرەمىن, – دەدى وبلىس اكىمى قۇتتىقتاۋ سوزىندە.
مەرەكەلىك ءىس-شارا بارىسىندا سالا ارداگەرى بەكەت مومىنقۇل مەن تۇرسىنحان تولقىنباي ۇلى مەملەكەت باسشىسى جارلىعىمەن “قۇرمەت” وردەنى يەگەرى اتانعانى اتالى ءوتىلدى. سونداي-اق Jambyl تەلەارناسىنىڭ ديرەكتورى گۇلبارشىن قۇلانباەۆاعا “ەرەن ەڭبەگى ءۇشىن” توسبەلگىسى تابىستالسا, شۋ اۋداندىق “شۋ ءوڭىرى” گازەتىنىڭ باس رەداكتورى ەرعالي قارتايعان مەن ارداگەر جۋرناليست ءابدىلدا سارسەنبى “اقپارات سالاسىنىڭ ۇزدىگى” اتاندى.