اقش 2026 جىلعا ۋكرايناعا باعىتتالعان بىرقاتار قور بويىنشا شىعىندارىن ازايتتى. بۇل تۋرالى پەنتاگون باسشىسى پيت حەگسەت اۋە كۇشتەرى گەنەرالى دەن كەينمەن وتكىزگەن ءباسپاسوز ءماسليحاتىندا مالىمدەدى, دەپ جازادى Egemen.kz.
«اتاپ ايتقاندا, ەكى قور قىسقارتىلدى – كواليتسيانى قولداۋ قورى جانە ۋكرايناداعى قاۋىپسىزدىككە جاردەمدەسۋ باستاماسى», دەدى پيت حەگسەت.
اقش-تىڭ بۇل شەشىمى حالىقارالىق قاۋىمداستىق, اسىرەسە ەۋروپا ەلدەرى تاراپىنان الاڭداۋشىلىق تۋدىرىپ وتىر. 25 ماۋسىم كۇنى گەرمانيانىڭ قورعانىس ءمينيسترى بوريس پيستوريۋس ەۋرووداق ەلدەرى ۋكرايناعا كومەك كورسەتۋگە قاتىستى اقش-تىڭ قىزىعۋشىلىعىن ساقتاپ قالۋ ءۇشىن كۇش سالىپ جاتقانىن مالىمدەدى.
پيستوريۋستىڭ ايتۋىنشا, اقش-تىڭ ۋكرايناعا قولداۋى تەك اسكەري كومەكتىڭ كولەمىمەن شەكتەلمەيدى, ول سونداي-اق ناتو سەرىكتەستەرىنە بەرىلەتىن ساياسي جانە ستراتەگيالىق سيگنال ءرولىن دە اتقارادى.