28 ماۋسىم – بۇقارالىق اقپارات قۇرالدارى قىزمەتكەرلەرى كۇنىنە وراي ۇلتتىق ۇلاننىڭ «باتىس» وڭىرلىك قولباسشىلىعى وڭىردەگى جەتەكشى بۇقارالىق اقپارات قۇرالدارى وكىلدەرىنە ارنايى ءباسپاسوز تۋرىن ۇيىمداستىردى, دەپ حابارلايدى Egemen.kz.
ءىس-شارا بارىسىندا جۋرناليستەر اسكەري ءبولىمنىڭ كۇندەلىكتى تىنىس-تىرشىلىگىمەن تانىسىپ, ساربازداردىڭ ءتۇرلى باعىتتاعى دايارلىعىن كوزبەن كوردى. تىلشىلەر اسكەري تەحنيكالاردى, قارۋ-جاراق ۇلگىلەرى, ساربازداردىڭ تۇراتىن جەرىن, اسحانا جاعدايىن كورىپ, كينولوگيالىق قالاشىقتى ارالاپ شىقتى.
ءباسپاسوز تۋرىنىڭ ەڭ قىزىقتى ءساتى – ماكاروۆ تاپانشاسىنان اتۋ سايىسى بولدى. جۋرناليستەر 25 مەتر قاشىقتىقتان دالدىككە اتىپ, مەرگەندىك سىناستى.
شارا سوڭىندا «باتىس» وڭىرلىك قولباسشىلىعىنىڭ قولباسشىسى, گەنەرال-مايور بەكايدار قازكەەۆ بۇقارالىق اقپارات قۇرالدارى وكىلدەرىن كاسىبي مەرەكەمەن قۇتتىقتادى. بىرقاتار جۋرناليست العىس حات پەن ەستەلىك سىيلىققا تيە بولدى. مەرگەندىك سايىسىندا كوزگە تۇسكەن تىلشىلەرگە دە ديپلوم مەن مەدال تاپسىرىلدى.
باتىس قازاقستان وبلىسى