يران مەن يزرايل اتىستى توقتاتۋ تۋرالى كەلىسىمگە كەلگەنىمەن, ساراپشىلار بۇل ۋاقىتشا تىنىشتىق ەكەنىن ايتادى. قاقتىعىس 13 ماۋسىمدا ءيزرايلدىڭ يراننىڭ يادرولىق باعدارلاماسىنا قارسى اسكەري وپەراتسياسىنان باستالعان ەدى. اقش تا يرانعا سوققى جاساعان, دەپ جازادى Egemen.kz.
ساراپشىلار يراننىڭ قورعانىس جۇيەسى السىرەگەنىن, پروكسي كۇشتەر مەن زىمىراندارى ناتيجە بەرمەگەنىن ايتادى. ال يزرايل يران اۋە كەڭىستىگىندە باسىمدىققا يە بولعان. يادرولىق باعدارلاما دا بىرنەشە جىلعا كەيىن شەگەرىلۋى مۇمكىن.
يزرايلدىك ساياساتتانۋشى كسەنيا سۆەتلوۆا دا بۇل سوعىستىڭ ۋاقىتشا ءۇزىلىس ەكەنىن ايتىپ وتىر.
«قازىرگى قاقتىعىس – تەك شايقاس. الدا ءالى سوعىس بار», دەيدى ول.
ونىڭ پايىمىنشا, يزرايل دە, يران دا تۇراقتى كەلىسىمگە سەنبەيدى, ال ايماقتاعى قاۋىپسىزدىك بۇرىنعى قالپىنا ەندى ورالمايدى.
رەسەي مەن يران اراسىنداعى ارىپتەستىك تە شەكتەۋلى سيپاتتا. جۋىردا جاريالانعان كەلىسىم اسكەري كومەكتى مىندەتتەمەيدى. Reuters اگەنتتىگىنىڭ مالىمەتىنشە, يران باسشىسى حامەنەي رەسەيدەن ءالسىز قولداۋ العانىنا نارازى.