يندونەزيانىڭ بالي ارالىندا ءساۋىر ايىندا ۇستالعان ازاماتتاردان شامامەن 49 گرامم مەتامفەتامين تاركىلەنگەن. قازىر بۇل ىسكە بايلانىستى يندونەزيانىڭ قۇقىق قورعاۋ ورگاندارى سوتقا دەيىنگى تەرگەۋ جۇرگىزىپ جاتىر, دەپ حابارلايدى Egemen.kz.
قازاقستاننىڭ سىرتقى ىستەر مينيسترلىگى بۇل اقپاراتتى راستادى. ۆەدومستۆونىڭ رەسمي وكىلى ايبەك سمادياروۆتىڭ ايتۋىنشا, قازاقستاننىڭ دجاكارتاداعى ەلشىلىگى تەرگەۋ ورگاندارىمەن جانە ايىپتالۋشىلاردىڭ تۋىستارىمەن بايلانىس ورناتقان.
«بۇل ماسەلە قازاقستاندىق ديپلوماتتاردىڭ باقىلاۋىندا تۇر», دەدى ايبەك سمادياروۆ.
ەستەرىڭىزگە سالا كەتەيىك, بۇعان دەيىن ءسىم وكىلى يرانداعى وقيعالارعا قاتىستى تۇسىنىك بەرىپ, تاياۋ شىعىستان كەلۋى مۇمكىن بوسقىندار ماسەلەسىنە دە پىكىر بىلدىرگەن ەدى.