2003 جىلى چەحيا استاناسى پراگادا جاڭا سۋپەرماركەتتىڭ اشىلاتىنى تۋرالى اڭگىمە گۋ-گۋ تارادى. ويتكەنى كوشەدەگى, تەلەديدارداعى جارنامالاردا «چەح ارمانى» اتتى دۇكەندە رەكوردتىق تومەن باعالار مەن كەرەمەت جەڭىلدىكتەر بولاتىندىعى ۋادە ەتىلدى. سۋپەرماركەتتىڭ اشىلۋىنا 3000-نان استام ادام جينالدى.
قىزىقتىڭ كوكەسى وسى كەزدە باستالادى. ساۋدا ورتالىعىنىڭ لەنتاسى قيىلىپ, جۇرت دۇكەنگە قاراي ۇمتىلعاندا, ولاردىڭ الدىندا — جاي عانا دالاعا ورناتىلعان جالعان فاساد, ياعني قۇرىلىس ورمانىنا تىرەلگەن پلاكات تۇرعانى انىقتالدى. ونىڭ ارتىندا ەشقانداي عيمارات جوق ەدى. بۇل — رەجيسسۋرا فاكۋلتەتىنىڭ ەكى ستۋدەنتى ۇيىمداستىرعان پەرفورمانس بولاتىن. ولار بۇل وقيعانى باستان-اياق بەينەجازباعا ءتۇسىرىپ, تۇتىنۋشىلىق مادەنيەت پەن جارناما مانيپۋلياتسياسىن اشكەرەلەيتىن «Český sen» (چەح ارمانى) اتتى دەرەكتى فيلم شىعاردى. بۇل وقيعا ەل ىشىندە ۇلكەن رەزونانس تۋدىرىپ, جارنامانىڭ اسەرى تۋرالى قوعامعا تەرەڭ وي سالدى.