جىلىتۋ ماۋسىمىنا دايىندىق بارىسى قارالدى

كەڭەسكە اكىمدىكتەردىڭ, سونداي-اق «KEGOC» اق, «سامۇرىق-ەنەرگو» اق, «قتج» ۇك» اق, «قازترانسگاز ايماق» اق ۇلتتىق كومپانيالارىنىڭ وكىلدەرى مەن ەنەرگيا كاسىپورىندارىنىڭ باسشىلارى قاتىستى. كەڭەس بارىسىندا ەلەكتر ەنەرگەتيكاسى نىساندارىنداعى جوندەۋ جۇمىستارىن جۇرگىزۋ, جەتكىزىلگەن وتىن ءۇشىن بەرەشەكتى وتەۋ جانە ەنەرگيا كوزدەرىندە وتىننىڭ نورماتيۆتىك قورىن قامتاماسىز ەتۋ ماسەلەلەرى قارالدى. كەڭەس قورىتىندىسى بويىنشا جەرگىلىكتى اتقارۋشى ورگاندار مەن ەنەرگيا كاسىپورىندارىنا كەلەسى مىندەتتەر جۇكتەلدى:

•ەلەكتر ستانتسيالارىندا جانە ەلەكتر جەلىلەرىندە بارلىق جوندەۋ جۇمىستارىن ۋاقتىلى جانە ساپالى ورىنداۋدى قامتاماسىز ەتۋ;

•جوندەۋدەن كەيىن نەگىزگى جابدىقتاردى ىسكە قوسۋدىڭ مەرزىمدەرىن ساقتاۋ بويىنشا باقىلاۋدى كۇشەيتۋ;

•جەتكىزىلگەن وتىن ءۇشىن بەرەشەكتى وتەۋ جۇمىستارىن ۇيىمداستىرۋ;

•كوممۋنالدىق قىزمەت تۇتىنۋشىلارىنىڭ دەبيتورلىق بەرەشەگىن جانە ەنەرگيامەن جابدىقتاۋشى ۇيىمداردىڭ كرەديتورلىق بەرەشەگىن ازايتۋ بويىنشا شارالار قابىلداۋ;

•ەلەكتر ەنەرگياسىن ءوندىرۋ جانە تۇتىنۋ رەجيمىن ساقتاۋ;

•جىلىتۋ ماۋسىمىنىڭ باسىنا دەيىن ەنەرگيا كوزدەرىنىڭ قويمالارىندا وتىننىڭ نورماتيۆتىك قورىن قالىپتاستىرۋ;

•وندىرىستىك قاۋىپسىزدىك شارالارىن كۇشەيتۋ. اتالعان كوميتەت كۇزگى-قىسقى كەزەڭگە دايىندىق بارىسىنا تۇراقتى مونيتورينگ جۇرگىزىپ, ىقتيمال تاۋەكەلدەردىڭ الدىن الۋ ءۇشىن ۋاقتىلى ارەكەت ەتەدى.