تۇركىستان وبلىسىندا سالاۋاتتى ءومىر سالتىن ۇستاناتىن اۋىلداردىڭ قاتارى ارتىپ كەلەدى. ىشكى ىستەر مينيسترلىگىنىڭ باستاماسىن قولداعان ءوڭىر تۇرعىندارى ىشىمدىكتەن باس تارتىپ, قوعامدىق كەلىسىم مەن تارتىپكە نەگىزدەلگەن جاڭا ءومىر سالتىن قالىپتاستىرىپ جاتىر, دەپ حابارلايدى Egemen.kz Polisia.kz-كە سىلتەمە جاساپ
بۇل ءۇردىستى 66 اۋىل قولداعان. جۋىردا ولاردىڭ قاتارىنا تولە بي اۋدانىنىڭ زاعامبار, العاباس جانە تاعاينا اۋىلدارى دا قوسىلعان.
زاعامبار اۋىلىندا قازاقتار مەن وزبەكتەر تاتۋ-ءتاتتى ءومىر ءسۇرىپ, ىشىمدىكتەن تولىق باس تارتقان. اۋىل تۇرعىنى ەگىزباي سۇتتىباەۆ بۇل جاڭالىقتى قۋانىشپەن قابىلداپ, مۇنداي شەشىم قوعام دەنساۋلىعى مەن مادەنيەتىنە وڭ اسەر ەتەتىنىن اتاپ ءوتتى.
مۇنداي اۋىلداردا قىلمىس دەڭگەيى نولگە تەڭ, قوعامدىق ءتارتىپ ايتارلىقتاي جاقسارىپ, جاستاردىڭ سپورت پەن بىلىمگە قىزىعۋشىلىعى ارتقان.