پرەزيدەنت قاسىم-جومارت توقاەۆ كەڭەس وداعىنىڭ باتىرى ءاليا مولداعۇلوۆانىڭ مەموريالدىق ەسكەرتكىش كەشەنىنە گۇل شوعىن قويىپ, ونىڭ رۋحىنا ءبىر مينۋت ۇنسىزدىكپەن تاعزىم ەتتى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
سونىمەن قاتار مەملەكەت باسشىسى اقتوبە وبلىسىنا ساپارى بارىسىندا ءاليا مولداعۇلوۆانىڭ ەسكەرتكىشى جانىندا جەرگىلىكتى جۇرتشىلىقپەن كەزدەستى.
ء«اليا مولداعۇلوۆا – حالقىمىزدىڭ قايسار قىزى. بۇگىن 100 جىلدىعىنا وراي ارنايى كەلدىم. بۇل, ەڭ الدىمەن, ازاماتتىق بورىشىم. تاعزىم ەتۋ ءۇشىن كەلىپ وتىرمىن. بارشاڭىزعا كوپ راقمەت. ءاليانىڭ ەسىمىن حالقىمىزدىڭ اراسىندا, شەتەلدە كەڭ اۋقىمدا دارىپتەۋىمىز كەرەك. ول – ءبىزدىڭ ماقتانىشىمىز. سوندىقتان ونىڭ ەسىمى ءبىزدىڭ جادىمىزدا ماڭگى ساقتالادى», دەدى قاسىم-جومارت توقاەۆ.سونداي-اق پرەزيدەنت قازىرگى الماعايىپ زاماندا بىرلىكتى, تاتۋلىقتى ساقتاۋ وتە ماڭىزدى ەكەنىنە نازار اۋداردى.
بيىل قازاقتىڭ قايسار قىزىنىڭ تۋعانىنا – 100 جىل.