اقش پرەزيدەنتى دونالد ترامپ يزرايل مەن يران اراسىنداعى 12 كۇنگە سوزىلعان قارۋلى قاقتىعىستىڭ اياقتالعانىن جانە تولىق اتىستى توقتاتۋ تۋرالى كەلىسىمگە قول جەتكىزىلگەنىن جاريالادى. بۇل تۋرالى ول دۇيسەنبى كۇنى كەشكە Truth Social پلاتفورماسىندا جازدى, دەپ حابارلايدى Egemen.kz.
ترامپتىڭ ايتۋىنشا, اتىستى توقتاتۋ كەزەڭ-كەزەڭىمەن جۇزەگە اسادى:
العاشقى 6 ساعات ىشىندە تاراپتار بارلىق اسكەري وپەراتسيالارىن توقتاتادى; 12 ساعاتتان كەيىن يزرايل تولىق بەيبىت رەجيمگە قوسىلادى; 24 ساعات ىشىندە اتىستى تولىق توقتاتۋ كەلىسىمى كۇشىنە ەنەدى.يران تاراپى كاتارلىق جانە امەريكالىق ۇسىنىسقا كەلىسكەن. الايدا يزرايل ۇكىمەتى رەسمي تۇردە ەشقانداي پىكىر بىلدىرمەگەن. بۇعان قاراماستان, ءيزرايلدىڭ سوعىستى توقتاتۋعا دايىن ەكەنى تۋرالى اقپاراتتار ۆاشينگتونعا جەتكىزىلگەنى بەلگىلى بولدى.