جەرگىلىكتى تۇرعىنداردى جانار-جاعارماي ستانسالارىنداعى قاۋىپسىزدىك ماسەلەسى الاڭداتا باستادى. سەبەبى ستانسالاردا ءورت قاۋىپسىزدىگىنە بايلانىستى بىرنەشە كەمشىلىك انىقتالىپ وتىر.
وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ مالىمەتىنشە, 34 مەكەمە ىشكى نارىقتى سۇيىتىلعان گازبەن قامتيدى. بۇل مەكەمەلەر 101 بەكەتكە يەلىك ەتەدى. مۇنايلى شاھاردا 56 گاز قۇيۋ بەكەتى بار. وڭىردەگى 7 اۋداندا وسىنداي 45 بەكەت اشىلعان. مۇنىڭ سىرتىندا 125 جانار-جاعارماي بەكەتى بار. بىراق باسقارمانىڭ ماماندارى مىندەتىنە سايكەس كۇندەلىكتى وتىن باعاسىنا, قورداعى قالدىققا مونيتورينگ جۇرگىزۋمەن شەكتەلەدى.
اتىراۋ وبلىستىق توتەنشە جاعدايلار دەپارتامەنتى باسشىسىنىڭ ورىنباسارى سىرىم جايماعامبەتوۆتىڭ ايتۋىنشا, ونەركاسىپتىك قاۋىپسىزدىك, مەملەكەتتىك ءورت باقىلاۋ تالاپتارىنا سايكەس قولدانىلاتىن كريتەريلەر بار. ايتالىق, ونەركاسىپتىك قاۋىپسىزدىك بويىنشا اتىراۋ قالاسىندا 36 جانار-جاعارماي جانە گاز قۇيۋ ستانساسى تىركەلگەن.
«جانارماي ستانسالارى قۇرىلىس نورمالارى ستاندارتىنا سايكەس جوبالانىپ, سالىنادى. ستاندارتقا سايكەس اۆتوموبيل جانارمايى جانە گاز قۇيۋ ستانسالارى مەن تۇرعىن ۇيلەردىڭ اراقاشىقتىعى 60 مەتردى قۇراۋعا ءتيىس», دەيدى س.جايماعامبەتوۆ.
ونىڭ ايتۋىنشا, 2020–2024 جىلدارى جانار-جاعارماي جانە گاز قۇيۋ ستانسالارىنىڭ قاۋىپسىزدىگىنە تەكسەرىس جۇرگىزىلمەگەن.
«مۇنىڭ بىرنەشە سەبەبى بار. بىرىنشىدەن, جانار-جاعارماي ستانسالارىنىڭ قاۋىپسىزدىك ماسەلەسى قوزعالعاندا, كاسiپكەرلiك سۋبەكتiلەرiنiڭ قىزمەتi سالالارىندا مەملەكەتتiك باقىلاۋ مەن قاداعالاۋدى جۇزەگە اسىرۋ ءتارتiبiنىڭ ساقتالۋى تۇرعىسىنان تەكسەرۋ ءتارتىبى بەلگىلەنگەن كاسىپكەرلىك كودەكسىنىڭ 85-2-بابىنىڭ 5) تارماعى باسشىلىققا الىنادى. ەكىنشىدەن, 2020–2024 جىلدارى جاريالانعان موراتوري, ينۆەستيتسيالار جانە دامۋ ءمينيسترىنىڭ 2015 جىلعى 15 جەلتوقسانداعى №1206, ۇلتتىق ەكونوميكا ءمينيسترىنىڭ 2015 جىلعى 28 جەلتوقسانداعى №814 «ونەركاسiپتiك قاۋiپسiزدiك سالاسىنداعى تاۋەكەل دارەجەسىن باعالاۋ ولشەمشارتتارىن جانە تەكسەرۋ پاراقتارىن بەكiتۋ تۋرالى» بىرلەسكەن بۇيرىعى بار. وسىلاردىڭ نەگىزىندە جانار-جاعارماي ستانسالارىنىڭ ونەركاسىپتىك قاۋىپسىزدىگىنە تەكسەرۋ جۇرگىزۋ مۇمكىن بولمادى», دەدى س.جايماعامبەتوۆ.
جاقىندا قۇلسارى قالاسىنداعى ءبىر جانار-جاعارماي ستانساسىندا گاز-اۋا قوسپاسى جارىلدى. سونىڭ سالدارىنان بولعان ورتتەن 14 تۇرعىن كۇيىك الىپ, 2 ادام اجال قۇشتى. اتىراۋ وبلىسى اكىمىنىڭ ورىنباسارى قايرات نۇرتاەۆ ءمالىم ەتكەندەي, قازىر بۇل قايعىلى وقيعاعا بايلانىستى تەرگەۋ ءىسى ءجۇرىپ جاتىر.
«اتىراۋ قالاسى مەن اۋدانداردا ارنايى كوميسسيا قۇرىلادى. كوميسسيالارعا اكىمدەردىڭ ورىنباسارلارى توراعالىق ەتەدى. كوميسسيالار اتىراۋ قالاسى مەن اۋدانداردا گاز قۇيۋ بەكەتىن عانا ەمەس, جانار-جاعارماي نىساندارىنىڭ بارلىعىن تەكسەرۋى كەرەك. بارلىق جۇمىس زاڭ تالاپتارىنا ساي اتقارىلادى. قازىر اتىراۋ قالاسىندا مۇنداي بەكەتتەردىڭ قاي جەردە ورنالاسقانى تۋرالى نەگىزگى ءتىزىم بار. ادامداردىڭ ومىرىنە قاۋىپ ءتوندىرىپ تۇرعان نىسانداردى انىقتاۋ قاجەت», دەيدى ق.نۇرتاەۆ.
توتەنشە جاعدايلار دەپارتامەنتى مەملەكەتتىك ءورت باقىلاۋ باسقارماسىنىڭ باستىعى, ازاماتتىق قورعاۋ پودپولكوۆنيگى باعدات ءابدۋلليننىڭ ايتۋىنشا, وبلىستا مەملەكەتتىك ءورت باقىلاۋ كريتەريىنە سايكەس 144 جانار-جاعارماي, 41 گاز قۇيۋ ستانساسى ەسەپكە الىنىپ وتىر.
«جوبالاۋ-سمەتالىق قۇجاتتامانى كەلىسۋگە, جەر ۋچاسكەلەرىن قۇرىلىسقا ءبولۋ, سالىنىپ جاتقان نىسانداردىڭ ورتكە قارسى جاي-كۇيىن تەكسەرۋ جانە قۇرىلىسى اياقتالعان نىسانداردى قابىلداۋ جونىندەگى كوميسسيالارعا قاتىسپايدى.
«ساۋلەت, قالا قۇرىلىسى جانە قۇرىلىس قىزمەتى تۋرالى» زاڭعا سايكەس نىساندار قۇرىلىسىنىڭ ساپاسىن باقىلاۋ, سونداي-اق وسى نىسانداردا ساۋلەت, قالا قۇرىلىسى ءتارتىبىن, جوبالىق قۇجاتتامانىڭ ساپاسىن قاداعالاۋدى جەرگىلىكتى اتقارۋشى ورگاندار جۇزەگە اسىرادى», دەيدى ب.ابدۋللين.
بىلتىر ءورت قاۋىپسىزدىگىنە تەكسەرۋ جۇرگىزۋ جوسپارىنا 47 جانار-جاعارماي ستانساسى ەنگىزىلگەن. باقىلاۋ مەن قاداعالاۋ سۋبەكتىسىنە (وبەكتىسىنە) بارۋ ارقىلى 24 جانار-جاعارماي ستانساسىنا پروفيلاكتيكالىق تەكسەرۋ جۇرگىزىلدى. 23 جانار-جاعارماي ستانساسىنا ءورت قاۋىپسىزدىگى سالاسىنداعى سايكەستىگى تۋرالى اۋديت جاسالىپ, قورىتىندىسى بەرىلدى. تەكسەرۋ كەزىندە توتەنشە جاعدايلار ءمينيسترىنىڭ 2022 جىلعى 21 اقپانداعى №55 ء«ورت قاۋىپسىزدىگى قاعيداسى» تالاپتارىن ساقتاماۋعا بايلانىستى بىرنەشە كەمشىلىك انىقتالدى.
اتىراۋ وبلىسى