شەرۋباي-نۇرا سۋ قويماسىنىڭ جاعالاۋىنداعى جاڭا جوبالارعا ينۆەستيتسيا سالىنىپ جاتىر. ەندى ماۋسىمدىق دەمالىس ايماعىنان باستاپ جىل بويعى جۇمىس ىستەيتىن دەمالىس كەشەندەرىنە دەيىن جاڭارادى, دەپ حابارلايدى Egemen.kz.
جالپى شەرۋباي-نۇرا سۋ قويماسىنىڭ جاعالاۋىنداعى توپار كەنتىنە قاراعاندىدان جانە سەرىكتەس قالالاردان, كورشى اۋدانداردان دەمالۋعا ادامدار كوپ كەلەدى. بۇگىندە مۇندا قوناق ۇيلەرى, باسسەيندەرى, بالالار الاڭدارى جانە ءتۇرلى ويىن-ساۋىقتارى بار 30-دان استام دەمالىس ايماعى بار. جازدا مۇندا كاتاماراندار, سۋ موتوتسيكلدەرى, باتۋتتار, ال قىستا - قار كولىكتەرى, بالىق اۋلاۋ, مونشا قىزمەتى بار. دەمالىس كۇنىنىڭ مۇنداي فورماتى بارعان سايىن سۇرانىسقا يە بولىپ كەلەدى.
– توپارعا كەلۋشىلەر كۇن ساناپ ءوسىپ كەلەدى. وتكەن جازدىڭ وزىندە دەمالۋشىلار سانى 30 مىڭنان استى. سۇرانىستىڭ ارتۋىنا بايلانىستى تۋريستىك ينفراقۇرىلىمعا ينۆەستيتسيالار ارتۋدا, – دەيدى اباي اۋدانىنىڭ كاسىپكەرلىك جانە ونەركاسىپ ءبولىمىنىڭ باسشىسى داريجان مىرزاحمەتوۆا.
كوتتەدجدەر, قوناق ءۇي, مەيرامحانا جانە مونشا كەشەنى بار جاڭا دەمالىس ايماعىن سالۋ بويىنشا اۋقىمدى جوبالار ىسكە اسىرىلۋدا. تاعى ەكى زاماناۋي ايماقتىڭ جوبالارى ازىرلەنۋدە جانە قولدانىستاعى نىساندار كەڭەيتىلەدى.بۇل جەرگە تۋريستەردىڭ جايلى جەتۋىنە, جازدا جانە قىستا دەمالۋى ءۇشىن قولايلى جاعداي جاسالىپ جاتىر.
قاراعاندى وبلىسى