الماتى قالاسىنىڭ يندۋستريالىق ايماعىندا قىزمەت جۇرگىزەتىن نارىق سۋبەكتىلەرىنىڭ قۇقىقتارىن قورعاۋ ماقساتىندا باسەكەلەستىكتى قورعاۋ جانە دامىتۋ اگەنتتىگىنىڭ دەپارتامەنتى «الماتى ەلەكتر ستانتسيالارى» اق ەنەرگيا ءوندىرۋشى ۇيىمىنا قاتىستى ۇستەم جاعدايدى تەرىس پايدالانۋ بەلگىلەرى بويىنشا تەرگەپ-تەكسەرۋ جۇرگىزدى, دەپ حابارلايدى Egemen.kz.
تەرگەپ-تەكسەرۋ ناتيجەسىندە «الەس» اكتسيونەرلىك قوعامىنا قاتىستى قر اقبتك-ءنىڭ 159-بابىنىڭ 3-1-بولىگىنە سايكەس اكىمشىلىك قۇقىقبۇزۋشىلىق تۋرالى ءىس قوزعالدى. ءىس ماتەريالدارى الماتى قالاسىنىڭ مامانداندىرىلعان اۋدانارالىق اكىمشىلىك سوتىنا جولدانىپ, سوت شەشىمىمەن «الەس» اق 4,4 ملرد تەڭگە كولەمىندە اكىمشىلىك ايىپپۇل سالۋ تۇرىندە جاۋاپكەرشىلىككە تارتىلدى.
قازىرگى ساتتە سوتتىڭ قاۋلىسى زاڭدى كۇشىنە ەنگەن جوق. بقدا مالىمدەگەندەي, يندۋستريالىق ايماق – الماتى قالاسىندا باسىم سالالاردى دامىتۋ مەن جەكە كاسىپكەرلىككە مەملەكەتتىك قولداۋ كورسەتۋ ماقساتىندا قۇرىلعان. قازىرگى ۋاقىتتا ونىڭ اۋماعىندا 118 كاسىپكەرلىك سۋبەكتىسى تىركەلگەن, ال ينۆەستيتسيالار كولەمى 400 ملرد تەڭگەدەن اسادى. ەنەرگيا رەسۋرستارىن تارتۋ مەن تۇتىنۋعا كەتەتىن شىعىنداردى ازايتۋ ءۇشىن مەملەكەت تاراپىنان جەس-2 جەلىلەرىنە تىكەلەي قوسىلعان ەلەكتر جەلىلەرى جۇرگىزىلگەن. الايدا «الەس» اق يندۋستريالىق ايماقتا قالالىق ەلەكتر جەلىلەرى بولماعانىنا قاراماستان, ەنەرگيامەن جابدىقتاۋشى ۇيىمدى اففيليرلەنگەن ەنەرگيا جەتكىزۋشى ۇيىمنىڭ جەلىلەرى ارقىلى ەلەكتر ەنەرگياسىن جەتكىزۋ قىزمەتىمەن بىرگە ساتىپ الۋعا مىندەتتەگەن.