قر تۋريزم جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ توراعاسى رۋسلان ەسەناليننىڭ بۇيرىعىمەن قونىسبەك توكەنوۆ گرەك-ريم كۇرەسى قازاقستان ۇلتتىق قۇراماسىنىڭ باس باپكەرى قىزمەتىنە تاعايىندالدى, دەپ حابارلايدى Egemen.kz.
وسى قىزمەتتى اتقارعان يۋري مەلنيچەنكو ەندى كوماندادا باس باپكەردىڭ كەڭەسشىسى رەتىندە جۇمىس ىستەيدى. يۋري مەلنيچەنكونىڭ جەتەكشىلىگىمەن قازاقستان گرەك-ريم كۇرەسىنەن پاريج وليمپياداسى (دەمەۋ جادىراەۆ) مەن بىلتىرعى الەم چەمپيوناتىندا 1 كۇمىس مەدال (ەرجەت جارلىقاسىن) جەڭىپ العان.
وسىعان دەيىن قونىسبەك كارىم ۇلى 20 جاسقا دەيىنگى قازاقستان كومانداسىنىڭ اعا جاتتىقتىرۋشىسى بولعان. قونىسبەك توكەنوۆ ءۇشىن باس باپكەر قىزمەتىندەگى العاشقى رەسمي حالىقارالىق جارىس 17-20 شىلدە ارالىعىندا بۋداپەشتە وتەتىن رەيتينگتىك تۋرنير بولادى.