پەتروپاۆل قالاسىنداعى ۇلتتىق ۇلاننىڭ اكادەمياسى ءوزىنىڭ قابىرعاسىنان 25-ءشى – مەرەيتويلىق تۇلەكتەرىن ۇشىردى. اكادەميانىڭ ۇستازدار ۇجىمى مەن تۇلەكتەردى ۇلتتىق ۇلاننىڭ باس قولباسشىسى, ىشكى ىستەر ءمينيسترىنىڭ ورىنباسارى اڭساعان بالتابەكوۆ قۇتتىقتادى, دەپ جازادى Egemen.kz.
«مەن سىزدەردىڭ ءوز مىندەتتەرىڭىزدى ابىرويمەن ورىندايتىندارىڭىزعا سەنىم بىلدىرەمىن. العان بىلىمدەرىڭىز بەن يگەرگەن ماماندىقتارىڭىزدى ەل يگىلىگىنە قولدانادى دەپ سەنەمىن. قاھارماندىق پەن ەرلىكتىڭ ۇلگىسى بولىڭىزدار. سىزدەردىڭ ارقايسىڭىز ەلدىڭ قورعانىسىزدار, حالىقتىڭ تىنىش ۇيىقتاپ, الاڭسىز دەم الۋى سىزدەردىڭ ەڭبەكتەرىڭىزگە تىكەلەي بايلانىستى»,- دەدى گەنەرال.
ديپلوم تاپسىرۋعا ارنالعان سالتاناتتى شارا بارىسىندا اكادەميا مەن ۇلتتىق ۇلاننىڭ جەتىستىكتەرى تۋرالى تۇسىرىلگەن بەينەكورىنىستەر تاماشالاندى. جاڭا وفيتسەرلەر مەن ولاردىڭ سالتاناتتى قۋانىشىنا ورتاقتاسۋعا كەلگەن اتا-انالارى مەن تۋعان-تۋىسقاندارىنىڭ جۇزدەرىنەن نۇر تامىپ, قۋانىشتارى شالقىپ تۇردى.
پەتروپاۆل