ورال. 22 ماۋسىم. باتىس قازاقستان وبلىسىندا شەتەلدىڭ كپو ب.ۆ. كومپانياسى ءبىراز جىلدان بەرى كومىرسۋتەگى شيكىزاتىن وندىرۋدە. ءوڭىردىڭ اۋدانارالىق ەكونوميكالىق سوتى اتالعان كومپانياعا ەكولوگيانى لاستاعانى ءۇشىن 7 ملرد.-تان استام تەڭگە كولەمىندە ايىپپۇل سالۋ تۋرالى شەشىم شىعاردى. بۇل تۋرالى egemen.kz ءتىلشىسى حابارلادى.
كپو ب.ۆ.-نىڭ ءوندىرىسى تۇتاستاي العاندا ەل ەكونوميكاسىنا مۇناي-گاز سەكتورىنان تۇسەتىن تيىمدىلىك پەن پايدانىڭ ۇلەسىن كوبەيتۋگە سەپتىگىن تيگىزە الادى. الايدا, كومپانيا اليانسى ءوز ەركىمەن اۋانى لاستايتىن زاتتاردى شىعارۋعا جول بەرىپ جاتسا, ول تيىمدىلىك پەن پايدانىڭ قۇنى كوك تيىن بولىپ قالماسىنا كىم كەپىل؟! ويتكەنى, مۇنداي جاعدايدا جەرگىلىكتى تۇرعىنداردىڭ دەنساۋلىعىنا ونىڭ تەرىس اسەرى ءتيۋى ابدەن مۇمكىن.
سونىمەن قاتار, مۇنىڭ ءوزى ەلىمىزدىڭ ەكولوگيالىق زاڭدىلىقتارى مەن تالاپتارىنا دا قايشى كەلەدى. قاراشىعاناق كەنىشى اۋماعىندا گازدى الاۋ جاعۋ مەن تەحنيكالىق جاعدايعا بايلانىستى ونىڭ بۇزىلۋ كورىنىستەرى ورىن الدى. ونى باتىس قازاقستان وبلىستىق ەكولوگيا دەپارتامەنتى وتكەن جىلدىڭ جەلتوقسان ايىندا جوسپاردان تىس تەكسەرۋ جۇرگىزگەن كەزدە انىقتادى. سوعان سايكەس اتالعان دەپارتامەنت سوتقا ءتيىستى تالاپ-ارىز جولدادى. ءوز كەزەگىندە باتىس قازاقستان وبلىستىق اۋدانارالىق ەكونوميكالىق سوتى كپو ب.ۆ. كومپانياسىنان 7 ملرد. 286 ملن. 716 مىڭ تەڭگە ءوندىرۋ جونىندە شەشىم شىعاردى.
تەمىر قۇسايىن.
دەرەك: egemen.kz.
سۋرەت: uralskweek.kz.