بىرەر ساعات بۇرىن يران يزرايل اۋماعىنا 100-دەن استام درون جىبەرگەن. بۇل تۋرالى يزرايل قورعانىس كۇشتەرىنىڭ رەسمي وكىلى ەففي دەفرين مالىمدەدى. قازىرگى ۋاقىتتا اۋەگە كوتەرىلگەن درونداردى انىقتاپ, جويۋ جۇمىستارى جۇرگىزىلىپ جاتىر, دەپ حابارلايدى Egemen.kz.
Reuters اگەنتتىگىنىڭ حابارلاۋىنشا, ايماقتاعى شيەلەنىستىڭ ۋشىعۋىنا بايلانىستى مۇناي باعاسى بىردەن 9%-عا كوتەرىلىپ, باررەلى 75 دوللاردان اسىپ تۇسكەن.
يزرايلدە قاۋىپسىزدىك شارالارى كۇشەيتىلگەن. ەل اۋماعىندا توتەنشە جاعداي جاريالانىپ, تەل-اۆيۆ حالىقارالىق اۋەجايى ۋاقىتشا جابىلعان. دەنساۋلىق ساقتاۋ جۇيەسى دە جوعارى دايىندىق رەجيمىنە كوشىپ, اۋرۋحانالاردا قوسىمشا ورىندار ازىرلەنىپ جاتىر.
جەرگىلىكتى اقپارات كوزدەرىنىڭ مالىمەتىنشە, تۇرعىندار ازىق-ت ۇلىك پەن تۇرمىستىق قاجەتتىلىكتەردى جاپپاي ساتىپ الىپ جاتىر. ساۋدا ورىندارىندا ۇزىن-سونار كەزەك پايدا بولعان.