اتالعان ءوڭىر ديقاندارىنا سۋارۋ كەزەڭى باستالعالى 1,28 ملرد تەكشە مەتر سۋ بەرىلگەن. وبلىستاعى «قازسۋشار» فيليالى 982 شارۋا قوجالىعىمەن سۋ بەرۋ تۋرالى كەلىسىمشارت جاساسىپ, جالپى العاندا, 126,3 مىڭ گەكتار ەگىس القابىن سۋارۋ ءۇشىن 3 ملرد تەكشە مەتردەن استام سۋ جىبەرۋ جوسپارعا الىنعان, دەپ جازادى Egemen.kz.
سونىمەن قاتار اتالعان فيليال وبلىس اكىمدىگىمەن بىرلەسىپ, ەگىلگەن داقىلداردى تولىق سۋمەن قامتۋ باعىتىندا جۇمىستاردى باستادى. ەلدى مەكەندەردە ءتۇسىندىرۋ جۇمىستارىن جۇرگىزۋ ءۇشىن ارنايى مونيتورينگتىك توپ قۇرىلدى. بارلىق ماگيسترالدىق جانە شارۋاشىلىقارالىق كانال ارقىلى سۋدى كەزەكپەن بەرۋ كەستەسى جاسالدى.
«سۋارمالى سۋدى قايتا پايدالانۋ ماقساتىندا سۋ پايدالانۋشىلارعا كۇرىش القاپتارىنان سۋدى كوللەكتورلار ارقىلى جيناپ, وعان سورعى قوندىرعىلارىن ورناتۋ ءتارتىبى جونىندە ءتۇسىندىرۋ جۇمىستارى جۇرگىزىلىپ جاتىر», دەپ حابارلاندى سۋ رەسۋرستارى جانە يرريگاتسيا مينيسترلىگىنەن.