Air India اۋە كومپانياسىنىڭ جولاۋشىلار ۇشاعى ۇندىستانداعى احمەداباد اۋەجايىنان كوتەرىلە سالىسىمەن اپاتقا ۇشىرادى, دەپ حابارلايدى Egemen.kz.
دەرەككە سايكەس, ۇشاق بورتىندا كەمىندە 242 جولاۋشى بولعان. اۋە كەمەسى لوندونعا باعىت العان. ۇشاق استانا ۋاقىتىمەن ساعات 13:08-دە ۇشىپ, بەس مينۋتتان كەيىن اپاتقا ۇشىراعان. اپاتتان كەيىن اۋەجايعا كىرەتىن جولدار ۋاقىتشا جابىلدى.
وقيعا ورنىنان تۇسىرىلگەن بەينەماتەريالدار الەۋمەتتىك جەلىلەردە تارالۋدا. اپاتتىڭ ناقتى سەبەپتەرى مەن زارداپ شەككەندەر تۋرالى رەسمي اقپارات ازىرگە جاريالانعان جوق.
ءۇندىستاننىڭ ازاماتتىق اۆياتسيا باس ديرەكتسياسى (DGCA) Boeing كومپانياسىمەن بىرلەسىپ تەرگەۋ جۇرگىزۋدى باستادى. Air India اۋە كومپانياسى دا اپاتقا قاتىستى بارلىق ءمان-جايدى انىقتاۋمەن اينالىسىپ جاتقانىن حابارلادى.
جانەل تولەۋبەكوۆا, ەۇۋ ستۋدەنتى