قاراعاندى وبلىسىندا كامەلەتكە تولماعان ءۇش بالانىڭ جولدا كەتىپ بارا جاتقان گازەل اۆتوكولىگىنە جارماسىپ, جول بويىمەن قوزعالعان ءساتى تۇسىرىلگەن بەينەجازبا الەۋمەتتىك جەلىلەردە تارادى, دەپ جازادى Egemen.kz.
وقيعا جول قوزعالىسى ەرەجەلەرىن ورەسكەل بۇزۋمەن قاتار بالالاردىڭ ومىرىنە قاۋىپ توندىرگەن. ءىىم قىزمەتكەرلەرى جەدەل تەكسەرۋ جۇرگىزىپ ءتارتىپ بۇزعانداردىڭ جەكە باسىن انىقتادى.
ولار 10-11 جاس ارالىعىنداعى مەكتەپ وقۋشىلارى بولىپ شىققان. بارلىق بالا زاڭدى وكىلدەرىمەن بىرگە پوليتسيا بولىمىنە جەتكىزىلگەن. بالالاردىڭ اتا-انالارى بالا تاربيەسىنە نەمقۇرايلى قاراعانى ءۇشىن اكىمشىلىك جاۋاپكەرشىلىككە تارتىلعان.
ءىس بويىنشا ماتەريالدار كامەلەتكە تولماعانداردىڭ ىستەرى جانە ولاردىڭ قۇقىقتارىن قورعاۋ جونىندەگى كوميسسياعا جولدانعان. ەندى جاسوسپىرىمدەر مەكتەپىشىلىك ەسەپكە الىنادى.