اباي وبلىسىنىڭ پروكۋراتۋراسى پايدالانىلماعان جانە زاڭسىز بەرىلگەن جەر ۋچاسكەلەرىن انىقتاپ, ولاردى مەملەكەت مەنشىگىنە قايتارۋ باعىتىندا جۇيەلى جۇمىستار جۇرگىزىپ جاتىر, دەپ حابارلايدى Egemen.kz.
جۇرگىزىلگەن تەكسەرۋلەر ناتيجەسىندە 104 جەر ۋچاسكەسىنىڭ ۇزاق ۋاقىت بويى ماقساتتى تۇردە پايدالانىلماعانى انىقتالعان. جەر پايدالانۋشىلار زاڭ تالاپتارىن ورەسكەل بۇزعان.
«پروكۋراتۋرانىڭ شارالارى ناتيجەسىندە جالپى اۋدانى 42 مىڭ گا جانە كاداسترلىق قۇنى 516 ملن تەڭگەنى قۇرايتىن جەر ۋچاسكەلەرى مەملەكەت مەنشىگىنە قايتارىلدى», دەلىنگەن حابارلامادا.
بۇل شارالار قر پرەزيدەنتىنىڭ 2024 جىلعى 2 قىركۇيەكتەگى جولداۋىندا جۇكتەلگەن تاپسىرمالار اياسىندا جۇزەگە اسىرىلىپ جاتىر. قازىرگى تاڭدا جەرگىلىكتى اتقارۋشى ورگاندار بۇل جەرلەردى ادال جانە ءتيىمدى پايدالاناتىن ازاماتتار مەن كاسىپكەرلىك سۋبەكتىلەرىنە بەرۋ باعىتىندا جۇمىستار اتقارىپ كەلەدى.
پروكۋراتۋرا بۇل باعىتتاعى جۇمىستاردىڭ جالعاساتىنىن مالىمدەدى.