ەكولوگيالىق اكتسيا جالعاسادى

اۋقىمدى اقپاراتتىق جوبا مەملەكەت باسشىسى قاسىم-جو­مارت توقاەۆتىڭ باستاماسىمەن قول­عا الىنعان «تازا قازاقستان» ەكولو­گيالىق اكتسياسىن كەڭىنەن ناسيحاتتاۋعا باعىتتالعان. تەلە­مارافون بارىسىندا ەلىمىزدىڭ تۇكپىر-تۇكپىرىندە قولعا الىن­عان ەكولوگيالىق جوبالار, ەرىكتى­لەر­دىڭ ۇلەسى, قورشاعان ورتانى قور­عاۋ­عا باعىتتالعان مەملەكەتتىك باع­دار­لامالار مەن ازاماتتىق قو­عام وكىل­دەرىنىڭ باستامالارى قامتىلدى.

ەسىل وزەنىنىڭ جاعاسىنداعى كوش­پەلى ستۋديادان حابار تاراتىلىپ, وڭىرلەر مەن شەتەلدەن تىلشىلەر تىكەلەي ەفيرگە شىقتى. سونداي-اق بەلگىلى ەكولوگتەر, تابيعات جانا­شىر­لارى مەن سالا ماماندارى پى­كىر ءبىل­دىرىپ, قورشاعان ورتانى ساق­تاۋدىڭ ماڭىزدىلىعىنا توقتالدى.

ەكولوگيا جانە تابيعي رەسۋرس­تار ءمينيسترى ەرلان نى­سانباەۆ تىكەلەي ەفيردە «تازا قازاقستان» جوباسى اياسىندا ات­قارىلعان جۇمىس جونىندە سۇحبات بەردى. ول ەكولوگيالىق اكتسيانىڭ ەلدى بىرىكتىرگەن بىرەگەي باستاما ەكەنىن ەرەكشە اتاپ ءوتتى. بۇگىنگە دەيىن «تازا قازاقستان» اكتسياسىنا 1,4 ميلليوننان استام ادام قاتىسسا, ونىڭ باسىم كوپشىلىگى – جاستار.

«كيەلى مەكەن», «كيەلى جەر», «كيە­لى ولكە», ء«مولدىر بۇلاق» سياق­تى يگى باستامالار تەك ەلدى بى­رىكتىرىپ قانا قويماي, پاتريوتتىق سەزىمدى كۇشەيتە ءتۇستى. «تازا قا­زاق­ستان» اكتسياسى ناۋقاندىق, بولماسا ماۋسىمدىق قانا شارا ەمەس. اعاش وتىرعىزۋ, اۋلالاردى تازالاۋ, كولدەردى تازالاۋ سياق­تى جۇمىس ءالى دە جالعاسىپ جاتىر. ەكواكتسياعا قاريالار, ءتىپتى بال­دىرعاندار دا بەلسەنە اتسالىستى», دەدى مينيستر ەرلان نۇرالى ۇلى.

سەنات دەپۋتاتى جاننا اسا­نوۆا «تازا قازاقستان» اكتسياسى قوعام ءۇشىن قاشاندا ماڭىزدى ءارى دۇرىس باعىت ەكەنىن باسا ايتتى.

«ەكولوگيا – الەمدەگى  وزەكتى ماسەلەنىڭ ءبىرى. شەشىمىن تابۋ قيىن­عا سوعىپ وتىر. قوقىس ماسەلە­سىنىڭ ۋشىعۋىنا بىردەن ءبىر سەبەپ – قۇرىلىس سالاسىنداعى جۇيەسىزدىك. جاڭا نىساندار سالىپ جاتقان كا­سىپ­كەرلەردىڭ ەكولوگيالىق جاۋاپ­كەر­شىلىكتى سەزىنۋدەگى تۇيسىگى تىم تو­مەن. قۇرىلىس كەزىندە ءارتۇر­لى جان­عىش ءارى زياندى قالدىق­تار كوپ­تەپ شىعارىلادى. تالاپ بۇز­عان­­دار­عا ايىپپۇل سالىنسا دا, جاع­­داي ءماز ەمەس. سوندىقتان «تازا قازاق­­ستان» اكتسياسىنىڭ جاريالانۋى – وتە ورىندى باستاما», دەدى سەناتور.

بۇدان بولەك, تىكەلەي ەفيردە ىلە-الاتاۋى ۇلتتىق پاركى اۋما­عىن, كاسپي تەڭىزىنىڭ, بالىقتىكول, زەرەندى, كولساي كولدەرىنىڭ جاعا­سىن تازارتۋ جۇمىسى تۋرالى ارنايى ماتەريالدار كورەرمەن نازارىنا ۇسىنىلدى. قىزىلوردا وبلىسى قازالى اۋدانىندا اۋماعى 19 گا بولاتىن اللەيا مەن اتىراۋدا جايىق جاعاسىنداعى ساياباق­تىڭ, الماتىدا «جاسىل ەل» ەڭبەك جاسا­عىنىڭ كەزەكتى ماۋسىمىنىڭ اشىلۋى تىكەلەي ەفيردە كورسەتىلدى.

يگى ءىس-شارا بارىسىندا ەكولو­گيالىق ماڭىزدى ماسەلەلەر كو­تە­رىلىپ, وزەكتى تاقىرىپتارعا قا­تىستى سۇحباتتار جۇرگىزىلدى. ونىڭ ىشىندە كاسپيدىڭ جاعاسىن­داعى بەس مەم­لەكەتتىڭ تەڭىزدىڭ ەكولوگياسىن جاقسارتۋ تۇرعى­سىندا قابىلداپ جاتقان شارالارى, قازاقستان مەن داعىستان مامان­دارىنىڭ سۋ ايدىنىنىڭ تارتىلۋىن بىرلەسىپ زەرتتەۋى جونىندەگى تاقىرىپتار قامتىلدى.

ەل اۋماعىنداعى «تازا قازاق­ستان» جوباسى شەڭبەرىندە قوقىستان تازارتۋ, سەنبىلىك جۇمىستارىنان بولەك, كوگالداندىرۋعا دا ەرەكشە كوڭىل ءبولىندى. مەملەكەت باسشىسى قاسىم-جومارت توقاەۆ 2027 جىلعا دەيىن ورمان القاپتارىنا 2 ملرد اعاش وتىرعىزۋدى تاپسىردى. بۇگىندە ورمان القاپتارىنا 1 ملرد 369 ملن, ەلدى مەكەندەرگە 15,7 ملن ءتۇپ اعاش ەگىلگەن. كوش­پەلى ستۋ­دياعا سۇحبات بەرگەن ەكو­لو­گيا جانە تابيعي رەسۋرستار مي­نيس­تر­لىگىنىڭ باسقارما باسشىسى از­امات ءابۋوۆ كەلەشەكتە دە كوشەت ەگۋ قارقىندى جۇرگىزىلەتىنىن ايتتى.

تىكەلەي ەفيردەگى تەلەمارافون «اشىق الاڭ» باعدارلاماسىنىڭ «ەكولوگيالىق مادەنيەت» تاقىرى­بىمەن قورىتىندىلاندى. سپيكەر­لەر قوعامداعى ەكومادەنيەتتى قا­لى­پ­تاستىرۋ جونىندە وي ءوربىت­تى. ونىڭ ىشىندە قوقىستى سۇ­رىپ­تاۋ, قايتا وڭدەۋ ورىندارىن اشۋ ماسەلەلەرى كوتەرىلدى. «جا­سىل دامۋ» اق بۇگىنگە دەيىن 366 ملرد تەڭگەنى قۇرايتىن 64 ينۆەس­تيتسيالىق جوبانى بەكىتكەن.  بۇل قاراجات قايتا وڭدەۋ زاۋىتتارىن سالۋ, سۇرىپتاۋ ورىندارىن اشۋعا بولىنەدى. تەلەمارافون بارىسىندا  سۇحبات بەرگەن «جاسىل دامۋ» اق توراعاسىنىڭ ورىنباسارى دانيار دوسىمبەكوۆ نەگىزگى باسىم باعىتتارعا توقتالدى.

«جاسىل دامۋ» اق – مەملە­كەت­­تىك ۇيىم. ەكولوگيالىق كو­دەكس­تە كوزدەلگەن 15 باعىتقا قار­­جى جۇمسايدى. ۇكىمەتتىڭ ينۆەس­تي­تسيا­لىق شتابى ارقىلى قازىردە 64 جوبا بەكىتىلگەن», دەدى د.دوسىمبەكوۆ.

رەسپۋبليكالىق تەلەمارافون اياسىندا ەكولوگيالىق اكتسيا­لار­دى قولداۋ, قورشاعان ورتانى قورعاۋ ماسەلەسى جان-جاقتى تال­قىلاندى. سپيكەرلەر تابيعاتتى ايالاۋ, قورعاۋ, ەكومادەنيەتتى قالىپ­تاستىرۋدىڭ ماڭىزدىلىعىن ءار قى­رىنان قوزعاپ, قاشاندا جۇمىلا كوتەرسە, جۇك جەڭىل سوعا­تىنىن باسا ايتتى.