پاريجدە وتكەن «رولان گارروس» ءتۋرنيرى اياقتالعاننان كەيىن تەننيسشىلەردىڭ الەمدىك رەيتينگى جاڭارتىلدى, دەپ جازادى Egemen.kz.
اتالعان جارىستا سەربيالىق الەكساندرا كرۋنيچپەن بىرگە فينالعا دەيىن جەتكەن اننا دانيلينا ۇزدىك جۇپتاردىڭ تىزىمىندە بىردەن سەگىز ساتىعا جوعارلاپ, قازىرگى كەزدە 9 ورىندى يەلەنۋدە. «ۇلكەن دۋىلعا» ساناتىنداعى ءتۋرنيردىڭ شەشۋشى سىنىندا كرۋنيچ پەن دانيلينا جۇبى يتاليانىڭ مىقتىلارى – سارا ەرراني مەن جاسمين پاولينيدەن 4:6, 6:2, 1:6 ەسەبىمەن ۇتىلدى.
فرانتسيانىڭ استاناسىنداعى ەرلەردىڭ باسكەسىندە ۇزدىك سەگىز ويىنشىنىڭ قاتارىنا قوسىلعان الەكساندر بۋبليك بۇل جولى 19 باسەكەلەسىن باسىپ وزىپ, 43 ورىنعا جايعاستى. الەكساندر شەۆچەنكو توپ-100-دىكتى تۇيىندەپ تۇر. ايەلدەر اراسىنداعى رەيتينگتە ەلەنا رىباكينا ءوزىنىڭ 11 ورنىن ساقتاپ قالسا, يۋليا پۋتينتسەۆا 27 ساتىعا تابان تىرەدى.