قازاقستانداعى بالا قۇقىقتارى جونىندەگى ۋاكىل دينارا زاكيەۆا يۋنيسەف جۇرگىزگەن زەرتتەۋ ناتيجەلەرىن جاريالادى. زەرتتەۋ بالالاردىڭ تسيفرلىق كەڭىستىكتەگى مىنەز-قۇلقى مەن ونلاين ورتاداعى قاۋىپسىزدىگىنە ارنالدى, دەپ حابارلايدى Egemen.kz.
ء«بىزدىڭ سەرىكتەسىمىز يۋنيسەف تسيفرلىق تەحنولوگيالاردى قولدانۋ اياسىندا وتە ماڭىزدى زەرتتەۋ جۇرگىزدى. زەرتتەۋ ناتيجەسىنە سايكەس, بالالار ينتەرنەتتى العاش رەت شامامەن 5 جاسىنان باستاپ پايدالانا باستايدى», دەدى دينارا زاكيەۆا Teen accounts جوباسى مەن جاستاردىڭ ونلاين قاۋىپسىزدىگىنە ارنالعان ءىس-شارادا.
بالالار مەن جاسوسپىرىمدەردىڭ شامامەن 66%-ى ينتەرنەتتى الەۋمەتتىك جەلىلەردە قارىم-قاتىناس جاساۋ ءۇشىن قولدانادى.
«سونىمەن قاتار, ساۋالناماعا قاتىسقانداردىڭ 21%-ى كيبەربۋللينگكە ۇشىراعانىن, ال 20%-ى الەۋمەتتىك جەلىلەردە بەيتانىس ادامداردى دوستار قاتارىنا قوسقانىن ايتتى. بۇل وتە الاڭداتارلىق كورسەتكىشتەر, سەبەبى تەحنولوگيالار كۇن سايىن دامىپ جاتىر, ال ءبىز قاۋىپسىزدىكتى قامتاماسىز ەتۋ ءۇشىن قانداي قۇرالداردى پايدالانۋ قاجەتتىگىن ءتۇسىنۋىمىز كەرەك», دەپ اتاپ ءوتتى زاكيەۆا.
ونىڭ ايتۋىنشا, بۇل باعىتتا قازاقستان حالىقارالىق تسيفرلىق پلاتفورمالارمەن, سونىڭ ىشىندە Meta كومپانياسىمەن بەلسەندى ىنتىماقتاستىق ورناتقان.
ء«بىز ونلاين قاۋىپسىزدىكتىڭ نەگىزدەرى تۋرالى تۇسىندىرەتىن بەينەماتەريالدار جاساۋدى ۇيعاردىق. بۇل جۇمىستى بىلتىر باستاعانبىز. سونىمەن قاتار ءبىز نەگىزگى مۇددەلى تاراپتار — مينيسترلەر, الەۋمەتتىك جەلىلەردىڭ وكىلدەرى اراسىنداعى ديالوگتاردى بەلسەندى تۇردە باستاپ كەتتىك. ماقسات — ءوزارا كەلىسىم تابۋ», دەپ قوستى قر بالا قۇقىقتارى جونىندەگى ۋاكىل.
زاكيەۆا مۇنداي ءىس-شارالاردىڭ, سونىڭ ىشىندە بۇگىنگى كەزدەسۋدىڭ, جاستارمەن تىكەلەي ديالوگ ءۇشىن ماڭىزدى ەكەنىن اتاپ ءوتتى.