كۇن سايىن تەڭىز جاعالاۋلارىنان تابىلاتىن پلاستيك بوتەلكەلەر مەن پاكەتتەر – ادامزاتتىڭ ەڭ وزەكتى ەكولوگيالىق ماسەلەلەرىنىڭ بىرىنە اينالدى. وسىعان بايلانىستى جاپون عالىمدارى ءبىر ساعاتتا ەرىپ كەتەتىن پلاستيك جاساپ شىعاردى.
بۇل ماتەريال تۇزبەن ارەكەتتەسكەندە زيانسىز كومپونەنتتەرگە ىدىرايدى. جوبا ءالى كوممەرتسيالىق ىسكە اسىرىلماعانىمەن, ونەركاسىپتەر ۇلكەن قىزىعۋشىلىق تۋدىرىپ وتىر. ء«بىزدىڭ بالالارىمىز قانداي عالامشاردا ءومىر سۇرەتىنى ءبىزدىڭ بۇگىنگى ارەكەتىمىزگە بايلانىستى. ءبىز ولارعا تازا ءارى قاۋىپسىز ورتا قالدىرۋعا ءتيىسپىز», دەيدى جوبانىڭ جەتەكشىسى تاكۋدزو ايدا. ونىڭ ايتۋىنشا, بۇل پلاستيكتى ازىق-ت ۇلىك ورامالارىندا, ءبىر رەتتىك ىدىستاردا, ءتىپتى ءدارى-دارمەك سالاسىندا دا قولدانۋعا بولادى.