بۇگىن ەكولوگتاردىڭ كاسىبي مەرەكەسى كۇنى سالا ءمينيسترى ەرلان نىسانباەۆ ەكولوگيا سالاسىنىڭ ارداگەرلەرى مەن ۇزدىك قىزمەتكەرلەرىنە ۆەدومستۆولىق ناگرادالار, قۇرمەت گراموتالارىن جانە العىس حاتتار تابىستادى, دەپ حابارلايدى Egemen.kz.
قورشاعان ورتانى قورعاۋعا جانە ەكولوگيالىق باستامالاردى دامىتۋعا قوسقان ەلەۋلى ۇلەسى ءۇشىن ەكولوگتار, تابيعاتتى قورعاۋ, ۆەدومستۆولىق باعىنىستى ۇيىمداردىڭ قىزمەتكەرلەرى جانە قالدىقتاردى وڭدەۋ سالاسىنداعى بيزنەس وكىلدەرى ماراپاتتالدى.
بيىل ەلىمىزدە ەكولوگتار كۇنى العاش رەت كەڭىنەن اتالىپ ءوتىپ جاتىر. مينيسترلىك مالىمەتىنشە قازاقستان بويىنشا 50-دەن استام اۋقىمدى ءىس-شارالار ۇيىمداستىرىلادى. بۇل – ەكوساعاتتار, كورمەلەر, پلەنەر ماستەر-كلاسستار, سەنبىلىكتەر, سۋرەت بايقاۋلارى, ساياباقتار مەن سكۆەرلەردىڭ اشىلۋى جانە ت.ب.