قازاقستان ۇلتتىق بانكىنىڭ اقشا-كرەديت ساياساتى كوميتەتى بازالىق مولشەرلەمەنى 16,5% دەڭگەيىندە قالدىرۋ تۋرالى شەشىم قابىلدادى. ءدالىز – +/-1 پايىزدىق تارماق. بۇل شەشىم ينفلياتسيانىڭ ءوسۋ تاۋەكەلدەرى مەن جاڭارتىلعان ماكروەكونوميكالىق بولجامدارعا سۇيەنە وتىرىپ قابىلدانعان, دەپ حابارلايدى Egemen.kz.
قازاقستان ۇلتتىق بانكىنىڭ حابارلاۋىنشا, 2025 جىلعى مامىردا جىلدىق ينفلياتسيا 11,3%-دى قۇراعان. بۇل باعانىڭ وسۋىنە رەتتەلەتىن تاريفتەر, ازىق-ت ۇلىك باعاسىنىڭ قىمباتتاۋى, تۇتىنۋشىلىق سۇرانىس پەن وندىرىستىك شىعىنداردىڭ ارتۋى سەبەپ بولعان.
«2025 جىلعى مامىردا جىلدىق ينفلياتسيا 11,3%-دى قۇرادى. باعانىڭ وسۋىنە رەتتەلەتىن تاريفتەر مەن قىزمەتتەر قۇنىنىڭ قىمباتتاۋى, ازىق-ت ۇلىك ينفلياتسياسىنىڭ جەدەلدەۋى, سونداي-اق تۇتىنۋشىلىق سۇرانىس پەن ءوندىرىس شىعىندارىنىڭ ارتۋى اسەر ەتكەن. حالىقتىڭ ينفلياتسيالىق كۇتۋلەرى دە 14,1%-عا دەيىن كوتەرىلدى», دەلىنگەن مالىمەتتە.
ۇلتتىق بانك 2025 جىلى ينفلياتسيانى 10,5-12,5% ارالىعىندا, 2026 جىلى 9,5-11,5% دەڭگەيىندە جانە 2027 جىلعا قاراي ينفلياتسيانى 5,5-7,5%-عا دەيىن تومەندەتۋ كوزدەلىپ وتىر.
«ەكونوميكالىق ءوسىم 2025 جىلى 5-6%, 2026 جىلى 4-5% دەڭگەيىندە بولجانۋدا. وسۋگە ىشكى سۇرانىس, ينۆەستيتسيالىق بەلسەندىلىك جانە قۇرىلىمدىق رەفورمالار ىقپال ەتەدى», دەلىنگەن حابارلامادا.