ۇلىستىڭ ۇلى كۇنى – ناۋرىز قارساڭىندا الماتى قالاسىنداعى كارديولوگيا ورتالىعىندا مازمۇندى ءارى تاعىلىمى مول ءىس-شارا ءوتتى. بۇل باسقوسۋ قوعام قايراتكەرلەرىن, اسسامبلەيا وكىلدەرىن, مەديتسينا قىزمەتكەرلەرىن جانە قالا قوناقتارىن ءبىر ارناعا توعىستىردى, دەپ جازادى Egemen.kz.
ءىس-شارانىڭ سالتاناتتى اشىلۋىن الماتى قالاسى قازاقستان حالقى اسسامبلەياسىنىڭ اقساقالدار كەڭەسىنىڭ توراعاسى, اقپاراتتىق-ءتۇسىندىرۋ توبىنىڭ جەتەكشىسى ب. م. وسپانوۆ جۇرگىزدى. ول ءوز سوزىندە ۇلتتىق قۇندىلىقتاردى ساقتاۋ, قوعامداعى تاتۋلىق پەن كەلىسىمدى نىعايتۋ – ەل دامۋىنىڭ باستى نەگىزى ەكەنىن اتاپ ءوتتى.
جيىندا قازاقستان حالقى اسسامبلەياسىنىڭ مۇشەسى, الماتى قالاسى توعىزقۇمالاق فەدەراتسياسىنىڭ پرەزيدەنتى ر. ك. قاليوللاەۆ جانە «اۋعان ورتالىعى «اريانا» قوعامدىق بىرلەستىگى توراعاسىنىڭ ورىنباسارى د. موحامماد قۇتتىقتاۋ ءسوز سويلەپ, حالىقتار اراسىنداعى بىرلىك پەن ءوزارا قۇرمەتتىڭ ماڭىزىن ەرەكشە جەتكىزدى.
اقتۇتەك بوران كەزىندە ادامداردى قۇتقارعان مۇعالىم توسبەلگىمەن ماراپاتتالدى
ءىس-شاراعا المالى اۋدانى اكىمىنىڭ ورىنباسارى مەن ءماجىلىس دەپۋتاتى دا قاتىسىپ, مەديتسينا سالاسىنىڭ قىزمەتكەرلەرىنە جۇرەكجاردى لەبىزدەرىن ءبىلدىردى. ولار ادام ءومىرى مەن دەنساۋلىعىن ساقتاۋداعى دارىگەرلەردىڭ ەڭبەگى ەرەكشە قۇرمەتكە لايىق ەكەنىن اتاپ ءوتتى.
كەزدەسۋ بارىسىندا دارىگەرلەر مەن مەديتسينا قىزمەتكەرلەرىنە العىس حاتتار تابىستالدى. بۇل – ولاردىڭ كاسىبيلىگى مەن جانقيارلىق ەڭبەگىنە كورسەتىلگەن شىنايى قۇرمەتتىڭ بەلگىسى.
ناۋرىز – جاڭارۋ مەن ىزگىلىكتىڭ, بىرلىك پەن مەيىرىمنىڭ مەرەكەسى. وسىنداي تاعىلىمدى ءىس-شارالار قوعامداعى ءوزارا تۇسىنىستىك پەن سىيلاستىقتى ارتتىرا تۇسەتىنى ءسوزسىز.