تالدىقورعان قالاسىندا ەسىرتكىنى زاڭسىز ساقتاۋ جانە ساتۋ كۇدىگىمەن 62 جاستاعى ايەل ۇستالدى, دەپ حابارلايدى Egemen.kz.
جەتىسۋ وبلىسىنىڭ پوليتسيا دەپارتامەنتى مالىمەتىنشە, جەدەل ءىس-شارالار بارىسىندا پوليتسەيلەر باقىلاۋ ساتىپ الۋىن جۇرگىزىپ, كۇدىكتىدەن 5 گرامنان استام ەسىرتكى ساتىپ العان.
كەيىن ونىڭ تۇرعىلىقتى جەرىندە جۇرگىزىلگەن ءتىنتۋ كەزىندە جاسىل ءتۇستى, ەرەكشە ءيىسى بار وسىمدىك تەكتەس زات سالىنعان التى پوليەتيلەن پاكەت تابىلىپ, تاركىلەنگەن.
سونىمەن قاتار, ءۇي اۋلاسىنداعى سارايدان ورالعان ءىرى قارا پاكەت انىقتالعان. ونىڭ ىشىندە سالماعى 5 كەلىدەن اساتىن, گاشيشكە ۇقساس زات بولعان.
شىمكەنتتە ءىرى ەسىرتكى زەرتحاناسى جويىلدى
قازىرگى ۋاقىتتا اتالعان دەرەك بويىنشا سوتقا دەيىنگى تەرگەۋ جۇرگىزىلىپ, وقيعانىڭ بارلىق ءمان-جايى انىقتالىپ جاتىر. سوت شەشىمىمەن كۇدىكتىگە دەنساۋلىق جاعدايىنا بايلانىستى ۇيقاماق تۇرىندەگى بۇلتارتپاۋ شاراسى تاڭدالدى.
قولدانىستاعى زاڭناماعا سايكەس, ەسىرتكى زاتتارىن زاڭسىز ساتىپ الۋ, ساقتاۋ, تاسىمالداۋ نەمەسە ساتۋ 7 جىلدان 12 جىلعا دەيىن باس بوستاندىعىنان ايىرۋ جانە مۇلكىن تاركىلەۋمەن جازالانادى.
اقتوبە وبلىسىندا ەسىرتكى بيزنەسىن جۇرگىزگەندەر 17 جىلعا سوتتالدى