بيىلعى جىلدىڭ العاشقى ءۇش ايىندا قازاقستانعا 4923 ادام كەلگەن, ال 1122 ادام ەلدەن كەتكەن, دەپ حابارلايدى Egemen.kz ۇلتتىق ستاتيستيكا بيۋروسىنا سىلتەمە جاساپ.
ميگراتسيالىق سالدو +3801 ادامدى قۇراپ وتىر – بۇل قازاقستاندا ءومىر ءسۇرۋدى تاڭداۋشىلاردىڭ سانى ەلدەن كوشىپ جاتقانداردان الدەقايدا كوپ ەكەنىن بىلدىرەدى.
كەلگەن ميگرانتتاردىڭ كوپشىلىگى – تمد ەلدەرىنەن, ولاردىڭ ۇلەسى 84,1%-دى قۇرايدى. ەڭ كوپ كەلگەندەر – وزبەكستاننان (2614 ادام) جانە رەسەيدەن (982 ادام).تاعى 783 ادام باسقا ەلدەردەن كەلگەن – ولاردىڭ ىشىندە ەڭ كوبى قىتايدان (427 ادام), موڭعوليادان (129 ادام) جانە تۇركيادان (57 ادام).
جاڭا قونىستانۋشىلار ءۇشىن ەڭ تارتىمدى وڭىرلەر – الماتى وبلىسى (1649 ادام), ماڭعىستاۋ وبلىسى (764 ادام) جانە الماتى قالاسى (687 ادام) بولدى.
كەلگەندەردىڭ باسىم بولىگى (61,7%) – 20 مەن 44 جاس ارالىعىنداعى ازاماتتار.
الينا قايراتقىزى,
ەۇۋ 2-كۋرس ستۋدەنتى