قازاقستان قارۋلى كۇشتەرىنىڭ جاۋىنگەرلەرى يوردانيادا وتەتىن حالىقارالىق 14-ءشى Warrior Competition 2025 سايىسىنا قاتىسۋ ءۇشىن دايىندىقتىڭ سوڭعى كەزەڭىنە ءوتتى, دەپ جازادى Egemen.kz.
جىل سايىنعى جارىستار يوردانيادا كورول ابداللا اتىنداعى ارنايى وپەراتسيالار كۇشتەرىن دايارلايتىن ورتالىقتىڭ پوليگونىندا وتەدى. بيىل سايىسقا الەمنىڭ 40-قا جۋىق ەلىنەن مىقتى دەگەن ەليتالىق بولىمشەلەر قاتىسادى.
اسكەري قىزمەتشىلەر ۇرىس جۇرگىزۋ تاكتيكاسىن, شابۋىلداۋ ءىس-قيمىلدارىن, اتۋدى, ەۆاكۋاتسيا ەلەمەنتتەرىن جانە توپ قۇرامىنداعى ءوزارا ءىس-قيمىلدى پىسىقتايدى. دايىندىق تاۋلى جەرلەردە, ىستىق اۋا رايىندا جانە شەكتەۋلى رەسۋرستار جاعدايىندا جۇزەگە اسىرىلادى.
دايىندىقتا اسكەري قىزمەتشىلەردىڭ فيزيكالىق توزىمدىلىگى مەن پسيحولوگيالىق تۇراقتىلىعى, سونداي-اق جەدەل شەشىم قابىلداۋ قابىلەتى باستى نازارعا الىنادى. سايىستىڭ باستى ەرەكشەلىگى - قاتىسۋشىلاردىڭ تەك جەكە شەبەرلىگى عانا ەمەس, توپ قۇرامىنداعى ۇيلەسىمدى جۇمىس ىستەۋ قابىلەتى دە سىنعا تۇسەدى.
الينا قايراتقىزى,
ەۇۋ 2-كۋرس ستۋدەنتى