بۇل تۋرالى بۇگىن ۇكىمەت وتىرىسىندا ونەركاسىپ جانە قۇرىلىس ءمينيسترى ەرسايىن ناعاسپاەۆ باياندادى, دەپ جازادى Egemen.kz.
وڭدەۋ ونەركاسىبىنىڭ وركەندەۋى قاڭتار-ءساۋىر ارالىعىنداعى قورىتىندىدا انىقتالعان.
ەڭ جوعارى ءوسىم ماشينا جاساۋ – 111,2%, حيميا ونەركاسىبى – 111,2%, قۇرىلىس يندۋسترياسى – 112,9% جانە جيھاز ءوندىرىسى – 114,8% سالالارىندا بايقالىپ وتىر.
سونداي-اق, ەلىمىزدە وتاندىق ءونىمنىڭ ۇلەسى مەتاللۋرگيا, جەڭىل ونەركاسىپ جانە ەلەكترونيكا سالالارىندا ارتىپ كەلەدى. تاۋار ىشكى ءوندىرىسىنىڭ ۇلعايۋى ناتيجەسىندە يمپورتتىق ونىمدەر بىرتىندەپ اۋىستىرىلادى.«وتاندىق وڭدەۋشى ونەركاسىپ كاسىپورىندارىن قولداۋدىڭ پارمەندى قۇرالدارىنىڭ ءبىرى - رەتتەلەتىن ساتىپ الۋلارعا قاتىسۋعا باسىم قۇقىق بەرۋ بولىپ سانالادى», دەدى ەرسايىن ناعاسپاەۆ.وسى قۇرالدىڭ ارقاسىندا وتاندىق تاۋارلاردىڭ 4 834 استام پوزيتسياسىنا باسىمدىق بەرىلگەن. بيىلعى 5 ايدىڭ قورىتىندىسى بويىنشا مەملەكەتتىك ورگاندار وتاندىق تاۋار وندىرۋشىلەرمەن 303 ملرد تەڭگە بولاتىن 96 مىڭنان استام كەلىسىمشارتقا قول قويعان. بۇل وتكەن جىلمەن سالىستىرعاندا 3 ەسە جوعارى.